मुगुमा यार्साबाट २५ लाख राजस्व संकलन

मुगुको सिरानचौरमा यार्सा संकलनकर्ताबाट २५ लाख राजस्व असुली भएको र अझै राजस्व टोलीले पाटन क्षेत्रमै पुगेर यार्सा टिप्ने ब्यक्तिबाट राजस्व असुल गरिरहेको गाउँपालिकाका लेखा अधिकृत जनराज शाहीले बताए ।

अवैध बाटो प्रयोग गरेर यार्सा संकलक पाटन क्षेत्रमा पहिले नै प्रवेश गरिसकेको हुँदा यो पटक कम राजस्व असुली हुने अनुमान गरिएको उनको भनाइ छ । लेखा अधिकृत शाहीले भने विगत वर्षहरु कम्तीमा ५ देखि ६ हजार यार्सा संकलकबाट राजस्व असुली हुने गर्थ्यो । यो पटक स्थानीय तह निर्वाचनले गर्दा कम मात्रमा यार्सा टिप्न गएकोले राजस्व पनि कम उठ्ने भएको लेखा अधिकृत शाहीले बताए । उनका अनुसार गाउँपालिकाले सुरक्षासहित पाटन क्षेत्रमा राजस्व संकलन टोली खटाएको छ ।

कोरोना महामारीका कारण विगत तीन वर्षयता मुगुमकार्मारोङ गाउँपालिकाले यार्साको राजस्व उठाउन पाएको थिएन ।