घाटामा रहेका सरकारी संस्थानको पुनर्संरचना- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/०८०

घाटामा रहेका सरकारी संस्थानको पुनर्संरचना

कान्तिपुर संवाददाता

काठमाडौँ — सरकारले घाटामा रहेका सार्वजनिक संस्थानको पुनर्संरचना गर्ने भएको छ ।

आर्थिक वर्ष ०७९/८० को बजेट प्रस्तुत गर्दै अर्थमन्त्री जनार्दन शर्माले आवश्यकताका आधारमा पुनर्संरचना गरिने जानकारी दिए ।

‘आवश्यकता र औचित्यका आधारमा आर्थिक तथा वित्तीय पक्षको विश्लेषण गरी विद्यमान ढाँचामा पुनर्संरचना गर्ने, सरकारी स्वामित्वबाट विनिवेश गर्ने र बन्द गर्ने संस्थानको पहिचान गरी सोहीअनुसार कार्यान्वयन गरिनेछ,’ अर्थमन्त्री शर्माले भने, ‘सरकारी स्वामित्वमा भएका निर्यात सम्भावना भएका सिमेन्ट उद्योगलाई पूर्ण क्षमतामा सञ्चालन गर्न आवश्यक पहल गरिनेछ ।

अत्यावश्यक सेवाको क्षेत्रमा थप सहजता ल्याउन र हस्तक्षण गर्न संस्थानको पुनर्संरचना गरिनेछ ।’

प्रकाशित : जेष्ठ १५, २०७९ १८:३३
प्रतिक्रिया
पठाउनुहोस्

वैदेशिक रोजगारीमा रहेका नेपालीलाई आईपीओमा संरक्षण

कान्तिपुर संवाददाता

काठमाडौँ — सरकारले वैदेशिक रोजगारीमा गएका नेपालीलाई धितोपत्रको सार्वजनिक निष्कासन (आईपीओ) मा आरक्षणको व्यवस्था गरेको छ । आगामी वर्षको बजेट वक्तव्यमार्फत अर्थमन्त्री जनार्दन शर्माले यस्तो घोषणा गरेक हुन् ।

वैधानिक प्रणालीबाट धेरैभन्दा धेरै रेमिट्यान्स भित्र्याउनका लागि भन्दै सरकारले यस्तो तयारी गरेको हो । वैदेशिक रोजगारीमा गएका नेपालीबाट रेमिट्यान्स आप्रवाह औपचारिक माध्ययमार्फत आउनका लागि विभिन्न प्रोत्साहनको व्यवस्था गरी सुधार ल्याउन आवश्यक भएको सुझाव नेपाल धितोपत्र बोर्डले दिएको थियो ।

यसरी वैदेशिक रोजगारीमा रहेका नेपालीलाई धितोपत्र बजारमा लगानीको अवसर प्राप्त हुँदा देशको आर्थिक गतिविधिहरूमा उनीहरूको सहभागिता बढ्ने बोर्डको दाबी छ । यस्तै, विदेशमा रहेका गैरआवासीय नेपालीले नेपालको दोस्रो बजारमा लगानी गर्न पाउने व्यवस्था पनि सरकारले गरेको छ ।

प्रकाशित : जेष्ठ १५, २०७९ १८:२८
पूरा पढ्नुहोस्
प्रतिक्रिया
पठाउनुहोस्
×