वाणिज्य बैंकका प्रत्येक शाखाले कम्तीमा ५ कृषि उद्योगलाई कर्जा प्रवाह गर्नुपर्ने- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement
बजेट २०७९/०८०

वाणिज्य बैंकका प्रत्येक शाखाले कम्तीमा ५ कृषि उद्योगलाई कर्जा प्रवाह गर्नुपर्ने

कान्तिपुर संवाददाता

काठमाडौँ — सरकारले कृषि उत्पादन र प्रशोधन उद्योगको प्रवर्द्धनका लागि कर्जा प्रवाहलाई व्यवस्थित गर्ने घोषणा गरेको छ । आगामी आर्थिक वर्षको बजेट संघीय संसदमा प्रस्तुत गर्दै अर्थमन्त्री जनार्दन शर्माले वाणिज्य बैंकका प्रत्येक शाखाले कृषि उत्पादन र प्रशोधन उद्योगलाई कर्जा प्रवाह गर्नुपर्ने बताएका छन् । 

मन्त्री शर्माले आइतबार संघीय संसद्का दुवै सदनको संयूक्त बैठकमा वाणिज्य बैंकका प्रत्येक शाखाले कम्तीमा ५ कृषि उत्पादन र प्रशोधन उद्योगलाई कर्जा प्रवाह गर्नैपर्ने व्यवस्था बजेटमा गरिएको बताएका हुन् ।

'वाणिज्य बैंकको प्रत्येक शाखाले कम्तीमा ५ वटा कृषि उत्पादन र प्रशोधन उद्योगहरूलाई कर्जा प्रवाह गर्नुपर्ने व्यवस्था मिलाइनेछ,' उनले भने, 'उद्यमीहरूलाई परियोजनाका आधारमा उत्पादन कर्जा सहज रूपमा उपलब्ध गराउन लघुवित्त र वित्तीय संस्थाहरूमार्फत ऋण उपलब्ध गराइनेछ ।'

प्रकाशित : जेष्ठ १५, २०७९ १८:२१
प्रतिक्रिया
पठाउनुहोस्

भौतिक मन्त्रालयको बजेट बढ्यो

कान्तिपुर संवाददाता

काठमाडौँ — भौतिक पूर्वाधार तथा यातायात मन्त्रालयको बजेट बढाइएको छ ।

चालु आर्थिक वर्षमा १ खर्ब ५६ अर्ब बजेट विनियोजन भएकामा आगामी आर्थिक वर्ष ०७९/८० का लागि १ खर्ब ६१ अर्ब ५६ करोड रुपैयाँ बजेट विनियोजन गरिएको छ । यसमा सबैभन्दा धेरै बजेट फास्ट ट्र्याकका लागि विनियोजन गरिएको छ ।

फास्ट ट्र्याकका लागि मात्र ३० अर्ब रुपैयाँ बजेट विनियोजन भएको छ । भौतिक मन्त्रालय सबैभन्दा बढी बजेट पाउने मन्त्रालयमा पर्छ ।

चालु आर्थिक वर्षको १० महिना बित्दा विकास खर्च भने सोचेअनुरुप हुन सकेको छैन ।

प्रकाशित : जेष्ठ १५, २०७९ १८:२०
पूरा पढ्नुहोस्
प्रतिक्रिया
पठाउनुहोस्
×