स्वदेशी वस्तु उत्पादनका लागि १० वर्षे अभियान सुरु गर्दैछौं : मन्त्री बडू 

आर्थिक समृद्धि र विकासका लागि निजी क्षेत्रलाई अघि सार्ने योजनामा सरकार रहेको पनि उनले बताए । ‘सरकारले गर्न नसकेको ठाउँमा निजी क्षेत्रले काम गर्नुपर्छ । कुन क्षेत्रमा के सहयोग गर्नुपर्छ त्यसका लागि सरकार तयार नै छ,’ उनले भने, ‘निजी क्षेत्र सक्रिय नभइकन र निजी क्षेत्रलाई विश्वासमा नलिइकन मुलुकको विकास सम्भव छैन ।’

स्वदेशी वस्तुहरुको उत्पादनका लागि चाहिने कच्चा पदार्थमा सरकारले सहुलियत दिने पनि उनले बताए । त्यस्तै नेपालले निर्यात गर्न सक्ने र तुलनात्मक लाभका वस्तुहरु के के हुन सक्छन् भनेर अध्ययन गर्न लागिएको पनि मन्त्री बडूले बताए ।