न्यून गुणस्तरका खाद्य उत्पादन गर्ने ६४ कम्पनीविरुद्ध मुद्दा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — न्यून गुणस्तर तथा दुषित खाद्य वस्तु उत्पादन गरेको कसुरमा खाद्य प्रविधि तथा गुण नियन्त्रण विभागले ६४ कम्पनीविरुद्ध मुद्दा दायर गरेको छ । खाद्य ऐन र नियम विपरित प्रतिकुल कार्य गरेको ठहर गर्दै विभाग र मातहतका निकायबाट ९ महिनाको अवधिमा उक्त मुद्दा दायर गरिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![न्यून गुणस्तरका खाद्य उत्पादन गर्ने ६४ कम्पनीविरुद्ध मुद्दा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/money-finance/grocery-2932020062613-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
विभागका प्रवक्ता मोहन कृष्ण महर्जनका अनुसार सबैभन्दा बढी दूध तथा दूग्धजन्य पदार्थसँग सम्बन्धित १३, खाद्यान्न तथा दलहन पदार्थका १३, प्रशोधित पिउने पानीसँग सम्बन्धित ९ वटा मुद्दा दायर गरिएको छ । खाद्य एवम् दलहन तथा सोबाट बनेका पदार्थ, चिया, मह, तेल उत्पादन कम्पनीविरुद्ध पनि मुद्दा दायर गरिएको विभागले जनाएको छ ।
‘यस आर्थिक वर्ष चैत मसान्तसम्म ६४ कम्पनी विरुद्ध मुद्दा दायर गरेका छौं, मुद्दा जिल्ला प्रशासन कार्यालय तथा जिल्ला अदालतमा दायर भएको छ,’ महर्जनले भने । महर्जनका अनुसार ९ महिनाको अवधिमा २ हजार ६ सय ७१ नमुना संकलन गरिएकोमा १ सय ४१ प्रतिकुल पाइएको थियो । तीमध्ये खाद्यान्न, दलहन तथा सोबाट बनेका खाद्य पदार्थका ३० नमुना, प्रशोधित पिउने पानीका १७, दूग्ध तथा दूग्ध पदार्थका १०, दाना पदार्थका १० नमुनामा प्रतिकुल देखिएको छ ।