विद्युत् आपूर्ति नियमित गर्न बुटवल उद्योग वाणिज्य संघको माग- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

विद्युत् आपूर्ति नियमित गर्न बुटवल उद्योग वाणिज्य संघको माग

सन्जु पौडेल

तिलोत्तमा — विगत एक महिनादेखि विद्युत् आपूर्तिमा अनियमितता, ट्रिपिङ तथा लो–भोल्टेजका कारण बुटवल तथा आसपासका उद्योग प्रतिष्ठानहरुमा समस्या उत्पन्न भएको भन्दै व्यवसायीले आपत्ति जनाएका छन् । 

उद्योगी व्यवसायीको समस्या सम्बोधनको माग गर्दै बुटवल उद्योग वणिज्य संघ रुपन्देहीले विद्युत् प्राधिकरणको ध्यानाकर्षण गराएको छ । संघले आइतबार विज्ञप्ति जारी गरी अनियमित विद्युत् आपूर्तिले उत्पादन आपूर्ति, यन्त्र उपकरण बिग्रिने, कच्चा पदार्थको वेस्टेज बढ्ने र जसकारण उत्पादन लागत बढ्ने भन्दै समस्या समाधानका लागि प्राधिकरण र मातहतका कार्यालयहरुलाई आग्रह गरेको हो ।

संघका अध्यक्ष उज्ज्वलप्रसाद कसजूद्वारा हस्ताक्षरित विज्ञप्तिमा नेपाल सरकारले हालैमात्र आयात कमी गर्ने नीति लिएको सन्दर्भमा विद्युत्‌का कारण औद्योगिक उत्पादन लागत बढ्ने र पेट्रोलियम पदार्थको उपभोग बढ्ने भएकोले समग्र अर्थतन्त्रमा समेत असर पुने देखिएको उल्लेख छ । त्यस्तै औद्योगिक उत्पादनलाई सहज गराउन र अर्थतन्त्रलाई थप असर पर्न नदिन विद्युत् आपूर्तिलाई नियमित गर्न माग गरिएको छ ।


प्रकाशित : वैशाख १८, २०७९ १८:१६
प्रतिक्रिया
पठाउनुहोस्

‘अटेरी’का खड्का पक्राउ 

कान्तिपुर संवाददाता

पोखरा — स्थानीय तहको निर्वाचनमा स्वतन्त्र अभियान चलाएको ‘अटेरी’का अभियान्ता अशोक खड्का पक्राउ परेका छन् । 

चुनाव चिह्नको विषयमा विवाद भएपछि शनिबार अटेरी समूहको प्रदर्शन क्रममा उच्छृंखल क्रियाकलाप र गालीगलौज गरेको भन्दै खड्कालाई कास्की प्रहरीले आइतबार पक्राउ गरेको हो । कास्की प्रहरीका प्रवक्ता डिएसपी सुन्दर तिवारीले मुख्य निर्वाचन अधिकृतको कार्यालय पोखराबाट पत्र आएपछि खड्कालाई नियन्त्रणमा लिइएको बताए । अटेरीका उम्मेदवारलाई शनिबार लौरो चिह्य दिइएको थियो । तर पछि त्यो खोसिएपछि विरोधमा अटेरी समूहले प्रदर्शन गरेको थियो । त्यसक्रममा खड्काले अटेरी अभियानले लौरो चुनाव चिह्न पाए पहिलो लौरो निर्वाचन अधिकृतलाई हान्नुपर्छ भन्दै धम्क्याएका थिए ।

निर्वाचन कसुर ऐन २०७३ को दफा २० उपदफा १ को खण्ड 'घ' मा निर्वाचन अधिकृत वा निर्वाचनमा संलग्न कर्मचारीलाई धाकधम्की डरत्रास देखाएमा एक लाख रुपैयाँसम्म जरिवाना वा दुई वर्षसम्म कैद वा दुवै सजाय हुने व्यवस्था छ ।


प्रकाशित : वैशाख १८, २०७९ १८:१२
पूरा पढ्नुहोस्
प्रतिक्रिया
पठाउनुहोस्
×