भन्सार छलेर मदिरा ल्याउने ४ जना विरुद्ध मुद्दा दायर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भारतबाट मदिराको चोरी पैठारी गर्ने चारजना विरुद्ध राजस्व अनुसन्धान विभागले मुद्दा दायर गरेको छ । विभिन्न भन्सार नाकाहरूबाट साढे ४ करोड रुपैयाँ बराबरको मदिरा अवैध रूपमा भित्र्याएको र राजस्व छलेको अभियोगमा उनीहरूविरुद्ध आइतबार उच्च अदालत पाटनमा मुद्दा दायर गरिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![भन्सार छलेर मदिरा ल्याउने ४ जना विरुद्ध मुद्दा दायर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/rajaswo-0732022101147-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मुद्दा दायर गरिएका व्यक्तिहरूमा पर्सा जिल्ला सुगौली गाउँपालिका २ घर भई काठमाडौं बुढानिलकण्ठ बस्ने सन्तोषचन्द्र बख्रेल, पर्साको ठोरी गाउँपालिका ५ सुवर्णपुर घर भई काठमाडौं हाडिगाउँ बस्ने रविन पाख्रिन, सर्लाही बरथहवा नगरपालिका ९ घर भई काठमाडौं महानगरपालिका ७ सरस्वती नगरपालिका ७ बस्ने नारायणप्रसाद घिमिरे र कागेश्वरी मनहरा ६ का शैलेस पन्त रहेका छन् ।
उनीहरू विरुद्ध ४ करोड ४६ लाख ३७ हजार रुपैयाँ बराबर बिगो कायम गरिएको छ । साथै उनीहरूले भन्सार छलेर ल्याएको अवैध मदिरा र ढुवानी साधनसमेत जफत गरिएको विभागले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)