तरलता अभाव कम गर्न राष्ट्र बैंकले ३० अर्ब बजारमा पठाउँदै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — फागुन लागिसक्दा पनि वित्तीय प्रणालीमा तरलता समस्या समाधान नभएपछि राष्ट्र बैंकले ३० अर्ब रुपैयाँ पठाउने भएको छ । अपेक्षित रुपमा सरकारी खर्च नभएपछि बैंक तथा वित्तीय संस्थामा निक्षेप बढ्न सकेको छैन, बरु घट्दो क्रममा छ । यही कारण बैंक तथा वित्तीय संस्थाको कर्जा निक्षेप (सीडी) अनुपात ९० प्रतिशतको निर्देशित सीमा भन्दा माथि पुगिसकेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![तरलता अभाव कम गर्न राष्ट्र बैंकले ३० अर्ब बजारमा पठाउँदै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/money-finance/rastra-bank-24102021012122-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
तरलताको समस्या समाधान गर्नकै लागि राष्ट्र बैंकले आउटराइट पर्चेज (सोझै खरिद बोलकबोल) मार्फत उल्लेखित रकम बजारमा पठाउन लागेको हो । यसको अवधि ६ महिना (आउँदो असारसम्म) हुने राष्ट्र बैंकले जनाएको छ । यो प्रक्रियामा राष्ट्र बैंकले बैंक तथा वित्तीय संस्थासँग रहेको नेपाल सरकारको ट्रेजरी बिल्स खरिद गर्छ । त्यसो हुँदा ट्रेजरी बिल्सको बिक्री गरेको पैसा बैंकहरुमा जान्छ । यो प्रक्रियाका लागि राष्ट्र बैंकले बोलकबोल आह्वान गरेको छ । बैंक तथा वित्तीय संस्थाले आज (बिहीबार) दिउँसो ३ बजेसम्म बोलकबोल गर्न सक्नेछन् । राष्ट्र बैंकले भोलि (शुक्रबार) मात्र खरिद गर्नेछ ।
बैंक तथा वित्तीय संस्थाले बिक्री गर्न चाहेको नेपाल सरकारको ट्रेजरी बिल्सको परिमाण ५ करोड वा ५ करोडले भाग लाग्ने दरले बोलकबोल गर्न सक्नेछन् । तर एउटा सिरिजको ट्रेजरी बिल्सका लागि एउटा मात्र बोलकबोल गर्नुपर्ने राष्ट्र बैंकले जनाएको छ । बुधबारसम्म वित्तीय प्रणालीमा करिब १६ अर्ब रुपैयाँ मात्र अधिक तरलता छ । तरलता अभाव भएकै कारण बुधबारमात्र बैंक तथा वित्तीय संस्थाले ३७ अर्ब २६ करोड रुपैयाँ अल्पकालीन सापटी (एसएलएफ) लिएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)