आगामी साउनपछि विद्युत् प्राधिकरणका कर्मचारीले स्वेच्छिक अवकास लिन नपाउने

गत पुस २१ गते बसेको प्राधिकरण सञ्चालक समितिले यस्तो निर्णय गरेको हो । ‘नेपाल विद्युत् प्राधिकरण सेवा, शर्त विनियमावली २०७५ को विनियम १०० मा भएको स्वेच्छिक अवकाससम्बन्धी व्यवस्था २०७९ साउन १ गतेबाट खारेज गर्ने निर्णय भएको छ,’ प्राधिकरणले आइतबार जारी गरेको सूचनामा भनिएको छ, ‘विनियमावलीमा तोकिएको शर्त पुरा गरेका स्वेच्छिक अवकासका लागि इच्छुक कर्मचारीले आवस्यक प्रक्रिया पुर्‍याई २०७९ असार मसान्तभित्र निवेदन दिइसक्नुपर्नेछ ।’