साताको सेयर समीक्षा : फाइनान्सको गिरावट उच्च
काठमाडौँ — यो साता सेयर बजारको परिसूचक नेप्से समग्रमा १५१ अंकले घटेको छ । गत साता २९३१.३४ अंकमा रहेर बन्द भएको बजार यो साता २७७९.९८ अंकमा बन्द रह्यो । पाँच दिन कारोबार हुँदा १ दिन मात्रै बजार बढ्यो ।
साताको पहिलो दिन आइतबार परिसूचक नेप्से १०.८३ अंकले घटेर २९२० अंकमा झरेको थियो । सोमबार एकै दिन करिब १०० अंक (९९.८) को गिरावट आयो भने मंगलबार केही सम्हालिएर ५.५९ अंक घट्यो । बुधबार फेरि ३८. ४५ अंकले घट्यो । अन्तिम कारोबार दिन बिहीबार जम्मा ३.२९ अंकले बढ्यो ।
परिसूचक मात्रै होइन । कारोबार रकम पनि निरन्तरजसो ओरालो लाग्यो । आइतबार ७ अर्ब ३ करोड रुपैयाँको सेयर कारोबार भएकोमा सोमबार बढेर ८ अर्ब ८८ करोड पुग्यो । मंगलबार ५ अर्ब ३९ करोड, बुधबार ४ अर्ब ३१ करोड र बिहीबार ३ अर्ब ३४ करोडमा कारोबार रकम सीमित भयो ।
यो साताका सबै दिन विन नेपाल लघुवित्त र बुद्धभूमि हाइड्रोपावरको मूल्य १० प्रतिशतले बढ्यो । कारोबार रकमका आधारमा अपी पावर, नेपाल टेलिकम, शिखर इन्स्योरेन्स, अरुणभ्याली हाइड्रोपावर कम्पनी प्राय अघि रहे ।
उपसमूहगत रुपमा हेर्दा यो साता सबै उपसमूह घटे । विकास बैंक र फाइनान्सका लगानीकर्ता गुमाउनेमा अगाडि रहे । फाइनान्स उपसमूह सबैभन्दा धेरै ८.८ प्रतिशतले घट्यो भने विकास बैंक ८.१ प्रतिशतले घट्यो । त्यसपछि जलविद्युत उपसमूह ७.३ प्रतिशतले घट्यो ।
यो साता कुन उपसमूह कति घटे ?
उपसमूह | फरक प्रतिशतमा |
जीवन बीमा | (३.२७) |
बैंकिङ | (५.२९) |
निर्जीवन बीमा | (३.७५) |
उत्पादन | (३.५४) |
विकास बैंक | (८.१) |
जलविद्युत् | (७.३० |
होटल तथा पर्यटन | (५.७) |
व्यापार | (६.३१) |
फाइनान्स | (८.८५) |
अन्य | (२.५२) |
जीवन बीमा | (३.२७) |