यो साता १६८ अंक उक्लियो सेयर बजार, धेरै कमाउनेमा विकास बैंकका लगानीकर्ता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — यो साता सेयर बजारको परिसूचक नेप्से १६८ अंकले बढेको छ । गत साता २५२४ अंकमा रहेर बन्द भएको नेप्से यो साता २६९२ अंकमा कायम भएको छ । समग्रमा साताभर ६.६ प्रतिशतले बजार बढेको छ । साताको पहिलो दिन आइतबार ६०.४ अंकले बढेको नेप्से सोमबार थप ३२ र मंगलबार ६३ अंकले बढ्यो । बुधबार ३०.७ अंकले घटेको नेप्से बिहीबार भने ४३.२ अंक बढ्यो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![यो साता १६८ अंक उक्लियो सेयर बजार, धेरै कमाउनेमा विकास बैंकका लगानीकर्ता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/money-finance/stock0-24102021122218-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कारोबार रकम भने बढ्न सकेको छैन । आइतबार ४ अर्ब १२ करोडको कारोबार भएकोमा सोमबार ४ अर्ब ५३ करोड रुपैयाँको सेयर किनबेच भयो । मंगलबार ४ अर्ब ३२ करोड, बुधबार ४ अर्ब ६२ करोडको सेयर किनबेच भएकोमा बिहीबार ३ अर्ब ६७ करोडमा खुम्चियो ।
उपसमूहगत रुपमा हेर्दा यो साता विकास बैंकका लगानीकर्ता कमाउनेमा अगाडि देखिए । सो उपसमूह एक सातामा १०.८ प्रतिशतले बढेको छ । गत साता ४२२५ मा रहेको सो उपसमूह ४६८४ अंकमा बन्द भयो ।
विकास बैंकपछि जलविद्युत समूह सबैभन्दा धेरै ८.३ प्रतिशतले बढ्यो । एक सातामा सो उपसमूह २७५५ बाट बढेर २९८६ अंकमा पुग्यो । फाइनान्स उपसमूह ७.९, लगानी ७.७, वाणिज्य बैंक ७.६ र व्यापार उपसमूह ७. १ प्रतिशतले बढेको छ । त्यस्तै जीवन बीमा ४.६, निर्जीवन बीमा ४.५, उत्पादन ३.५ र माइक्रोफाइनान्स उपसमूह ६.५, होटल तथा पर्यटन ५.६ प्रतिशतले बढेको छ ।
यो साता उपसमूहको वृद्धिदर
उपसमूह | वृद्धिदर प्रतिशतमा |
जीवन बीमा | ४.६ |
निर्जीवन बीमा | ४.५ |
उत्पादन | ३.५ |
माइक्रोफाइनान्स | ६.५ |
विकास बैंक | १०.८ |
होटल तथा पर्यटन | ५.६ |
जलविद्युत | ८.३ |
व्यापार | ७.१ |
फाइनान्स | ७.९ |
अन्य | २.९ |
बैंकिङ | ७.६ |
लगानी | ७.७ |