'अनिच्च'मा ८ कलाकारका कला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — संसारका ८ चर्चित कलाकार मिलेर 'अनिच्च' शीर्षकमा कला प्रदर्शनी गर्दैछन् । बौद्धस्थित लिच्छवि हाउसमा आयोजित साता लामो कला प्रदर्शनीमा विभिन्न पृष्ठभूमिबाट आएका कलाकारले अनित्यको भाव प्रस्तुत गरेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
!['अनिच्च'मा ८ कलाकारका कला](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/a038b7d7-6d6e-4b20-8eb9-0372dc5bf3b2-2632024125945-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
क्यानडेली कलाकार एमिली एभरी योशिको क्रोद्वारा क्युरेट गरिएको प्रदर्शनी चैत ११ देखि १७ सम्म चल्नेछ ।
प्रदर्शनीमा फोटोग्राफी, चित्रकला, भिडियो र अन्तक्रियात्मक कार्यक्रम पनि समावेश छन् । फिल्म निर्देशक, लेखक तथा गुरु खिन्से नोर्बुले कला प्रदर्शनीको शुभारम्भ गरेका हुन् । लिच्छवि हाउसकी कार्यक्रम प्रमुख टारीरत्न प्रधानले सबै कलाकारको अनुपम कलाशैली देखाउन पाउँदा आफूहरु उत्साहित रहेको बताइन् । 'यहाँ समावेश हुने प्रत्येक कलाकृतिले जीवन सँधै कसरी परिवर्तन भैरहेको हुन्छ भनेर गहन र व्यापकरुपमा प्रस्तुत पनि गरेको छ,'उनले भनेकी छन् ।
'अनिच्च'मा फ्रान्सका चर्वेई साई, बेलायतका लुसिन्डा कामेन, पूर्वबाट ड्यालाइस्ट र भ्रमादेव पुष्पा, भुटानका कर्मा वाङ्चुक, भारतकी गौरी गिल र नेपालकी महिमा सिंहले कला प्रस्तुति दिइरहेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)