आर्चर इंग्ल्यान्ड टोलीमा

दाहिने कुहिनामा लागेको चोटका कारण उनले पछिल्लो एक वर्षमा कुनै प्रतिस्पर्धात्मक खेल खेलेका छैनन् ।

जोस बटलरको कप्तानीमा रहने इंग्ल्यान्डको १५ सदस्यीय टोलीमा आर्चरलाई पनि राखिएको छ । ५ वर्षअघि ‘डेब्यु’ गरेयता उनले इंग्ल्यान्डबाट केवल १५ ट्वान्टी–२० अन्तर्राष्ट्रिय खेल खेलेका छन् । तर आर्चरलाई अझै पनि ‘गेम चेन्जर’ को रूपमा हेरिएको छ ।

बार्बाडोसमै हुर्किएका कारण क्यारेबियन कन्डिसनको जानकार हुने हुनाले पनि आर्चरलाई टिममा राखिएको हुनसक्ने जनाइएको छ । टेस्ट कप्तान बेन स्टोक्स पूर्ण फिट नभएका कारण आफैंले इंग्ल्यान्ड टोलीबाट आफ्नो नाम फिर्ता लिएका छन् ।