सेनाद्वारा बम निष्क्रिय

जुम्ला — जुम्लाको तातोपानी गाउँपालिका – ४ गौतमबाडामा भेटिएको सकेट बम डिस्पोज गरिएको छ । स्थानीय लक्ष्मीप्रसाद गौतमको दाउरा खादमा भेटिएको सकेट बम नन्दाबक्स गण जुम्लाका सहायक सेनानी टेकराज गौलीको नेतृत्वमा गएको ७ जनाको टोलीले निष्क्रिय गरेको हो । बम देखेपछि स्थानीयले हाँकुस्थित प्रहरी चौकीलाई खबर गरिएका थिए ।

बिहीबार बिहानमात्रै बम डिस्पोजल गरिएको जिल्ला प्रहरी कार्यालय जुम्लाका प्रहरी निरीक्षक धर्मराज जोशीले जानकारी दिए । सकेट बम द्वन्द्वकलामा छोडिएको हुन सक्ने अनुमान गरिएको छ ।

०६६ चैत २४ गते सोही गाउँको रुपचन्द्र बोहराको पुराना घर भत्काउने क्रममा बेवारिसे बम विस्फोटमा परेर रामालक्ष्मी जैसी घाइते भएकी थिइन् ।

प्रकाशित : वैशाख १४, २०८० १८:५१

प्रतिक्रिया

पठाउनुहोस्