सुर्खेतबाट ब्राउन सुगरसहित चार जना पक्राउ
सुर्खेत — जिल्ला प्रहरी कार्यालय सुर्खेतले ब्राउन सुगरसहित चार युवालाई पक्राउ गरेको छ । पक्राउ पर्नेमा वीरेन्द्रनगर नगरपालिका ८ सुर्खेतका १८ वर्षीय मोहन रास्कोटी, वडा नं. ७ का २३ वर्षीय सुरज गौली, १० का २४ वर्षीय सुशील चौधरी र १८ वर्षीय राजन सार्की रहेको जिल्ला प्रहरी कार्यालय सुर्खेतका सूचना अधिकारी एवं प्रहरी नायव उपरीक्षक सुरज कार्कीले बताए ।
उनीहरूलाई सोमबार बेलुका ६ बजे पक्राउ गरिएको उनले बताइएको छ ।
वीरेन्द्रनगर नगरपालिका-१० सुर्खेत बुदबुदीस्थित दिदीबहिनी कटेजमा लागूऔषध कारोबार भइरहेको छ भन्ने गोप्य सूचनाको आधारमा प्रहरी टोली त्यहाँ पुगेर आठपुरिया ब्राउन सुगरजस्तो देखिने धुलो पदार्थ लागूऔषधसहित चारै जनालाई पक्राउ गरेको उनले बताए ।
सूचना अधिकारी कार्कीका अनुसार पक्राउ परेका चारै व्यक्तिको थप अनुसन्धान भइरहेको छ ।
प्रकाशित : पुस १३, २०७९ १३:०६प्रतिक्रिया
