कर्णाली प्रदेशसभा : ज्येष्ठ सदस्य साहले लिए शपथ

हरिहरसिंह राठौर

सुर्खेत — कर्णाली प्रदेशसभा दैलेखमा एमालेबाट निर्वाचित ज्येष्ठ सदस्य विनोदकुमार साहले पद तथा गोपनीयताको शपथ ग्रहण गरेका छन् । उनले कर्णाली प्रदेशप्रमुख तिलक परियारबाट  शपथ ग्रहण गरेका हुन् । 

कर्णाली प्रदेशसभा : ज्येष्ठ सदस्य साहले लिए शपथ

साह ६६ वर्षका भए । दैलेख निर्वाचन क्षेत्र नं. २ (ख) बाट निर्वाचित उनी एमालेका प्रदेश अध्यक्षसमेत हुन् ।

प्रदेशसभा सदस्य निर्वाचन ऐन, २०७४ को दफा ७५ बमोजिम कर्णाली प्रदेशसभाको सदस्य पदमा निर्वाचित ज्येष्ठ सदस्य साहले सोमबार नै प्रदेशसभा बैठक कक्षमा अन्य सदस्यहरूलाई शपथग्रहण गराउनेछन् । प्रदेशसभा सचिव जीवराज बुढाथोकीका अनुसार अन्य प्रदेश सांसदहरूको शपथ सोमबार अपराह्न ३ बजे हुनेछ ।

शपथ ग्रहण कार्यक्रममा कर्णालीका मुख्यमन्त्री जीवनबहादुर साहीलगायत अन्य नवनिर्वाचित सांसदहरूको सहभागिता पनि रहेको थियो ।

प्रकाशित : पुस ११, २०७९ १४:२३
प्रतिक्रिया
पठाउनुहोस्
जनताको राय

छ वर्षअघि अन्त्य भइसकेको यातायात क्षेत्रको सिन्डिकेट ब्युँताउने चलखेल सुरू भएको छ । तपाईंको के राय छ ?