आफ्ना उम्मेदवारविरुद्ध लागेको भन्दै जुम्ला कांग्रेसद्वारा ७ जनालाई कारबाही सिफारिस- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

आफ्ना उम्मेदवारविरुद्ध लागेको भन्दै जुम्ला कांग्रेसद्वारा ७ जनालाई कारबाही सिफारिस

डीबी बुढा

जुम्ला — नेपाली कांग्रेस जिल्ला कार्य समिति जुम्लाले एक जना उपसभापतिसहित ७ जना कार्यकर्तालाई कारबाही सिफारिस गरेको छ । उपसभापति दिपक शाही लगायत ७ जनालाई काबाहीको लागि केन्द्रीय कार्यालयमा सिफारिस गरेको हो ।

जिल्ला सभापति कर्णबहादुर शाहीद्वारा हस्ताक्षरित प्रेस विज्ञप्ति प्रकाशित गर्दै उनीहरूलाई काबाहीका लागि सिफारिस गरिएको जनाइएको छ ।

उपसभापति दिपक शाही, महाधिवेशन प्रतिनिधि भक्त बहादुर रोकाया, चन्दननाथ नगरपालिकाका सभापति रवि थापा, गोविन्द बहादुर शाही, आसे बस्नेत, भक्त रोकाया र गोर बहादुर सुनारलाई काबाहीका लागि सिफारिस गरिएको पार्टी सभापति कर्णबहादुर शाहीले बताए।

मंसिर ४ गते हुने प्रतिनिधिसभा र प्रदेशसभा सदस्य निर्वाचनमा आफ्ना उम्मेदवार विरुद्ध पार्टीको विधान र हित विपरीत कार्य गरेको पाइएकोले कांग्रेसले कात्तिक १४ गते उनीहरूलाई स्पष्टीकरण सोधेको थियो । तर नगर सभापति रवि थापाले मात्रै स्पष्टीकरण दिएका थिए ।

निजको स्पष्टीकरण पनि चितबुझ्दो नभएको सभापति शाहीले जानकारी दिए । यद्यपि अन्य पदाधिकारीले स्पष्टीकरण समेत नदिएको जुम्ला कांग्रेसले जनाएको छ ।

प्रकाशित : कार्तिक २९, २०७९ १९:४७
प्रतिक्रिया
पठाउनुहोस्

नेपाल एसबीआई बैंकलाई एबीएफ होलसेल बैंकिङ अवार्ड 

कान्तिपुर संवाददाता

काठमाडौँ — नेपाल एसबीआई बैंकले सिंगापुरस्थित एसियन बैंकिङ एन्ड फाइनान्स (एबीएफ)द्वारा होलसेल बैंकिङ विधामा अवार्ड पाएको छ । नेपाल डोमेस्टिक टेक्नोलोजी एण्ड अपरेसन बैंक अफ द इयर तथा नेपाल डोमेस्टिक इन्सेन्टिभ अफ द इयर अवार्ड बैंकलाई प्रदान गरिएको हो ।

एबीएफ होलसेल बैंकिङ अवार्डले उत्कृष्ट एवम् भरपर्दो बैंकिङ सेवा तथा सुविधा दिने बैंकलाई यो अवार्ड प्रदान गर्दै आएको छ । सन् १९९३ मा स्थापना भएको नेपाल एसबीआई बैंकले ५१ जिल्लामा १३१ शाखामार्फत सेवा प्रदान गर्दै आएको छ ।


प्रकाशित : कार्तिक २९, २०७९ १९:२४
पूरा पढ्नुहोस्
प्रतिक्रिया
पठाउनुहोस्
×