सल्यानमा ट्याक्टर दुर्घटना : ८ जना घाइते- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सल्यानमा ट्याक्टर दुर्घटना : ८ जना घाइते

विप्लव महर्जन

सल्यान — सल्यानमा ट्याक्टर दुर्घटना हुँदा ८ जना घाइते भएका छन् । घाइतेमध्ये ४ जनाको अवस्था गम्भीर रहेको प्रहरीले जनाएको छ । 

बन्गाड कुपिण्डे नगरपालिका–१० रजईखोलाबाट बालुवा लगेर थापाचौर जाँदै गरेको रा १ त १६९० नम्बरको ट्याक्टर बिहप्बार बिहान११ बजेतिर रजई खोलानजिकै दुर्घटना भएको हो ।

घाइते हुनेमा बन्गाड कुपिण्डे नगरपालिका–१० थापाचौरका एकै गाउँका १६ वर्षीय तीलक बुढा, १८ वर्षीय भुपाल बुढा, १४ वर्षीय गोपाल पुन, १६ वर्षीय सुमन पुन, १७ वर्षीय जीमबहादुर बुढा, १७ वर्षीय कुलविर पुन, २१ वर्षीय झुपलाल घर्ती र २१ वर्षीय नन्दलाल घर्ती रहेका छन् ।

जिल्ला प्रहरी कार्यालय सल्यानका सूचना अधिकारी प्रहरी निरीक्षक सन्तोष खनालका अनुसार कुपिण्डे ताल अवलोकन गरेर घर फर्कंदै गरेका थापाचौरका ९ जना युवा ट्याक्टरमा चढेका थिए ।

घाइते भएका सबैको प्रहरी र स्थानीयले उद्धार गरेका थिए । घाइते सबैलाई उपचारका लागि सुर्खेतको कालागाउँस्थित प्रादेशिक अस्पताल लगिएको छ ।

ट्याक्टर चालक भने फरार रहेको प्रहरीले बताएको छ ।

प्रकाशित : कार्तिक २४, २०७९ १३:३८
प्रतिक्रिया
पठाउनुहोस्

मर्जरमा जाने कम्पनीको सेयर कारोबार १५ दिन मात्र रोकिने

कान्तिपुर संवाददाता

काठमाडौँ — मर्जर तथा एक्विजिसनमा जाने सूचीकृत संस्थाहरूको सेयर कारोबार अब १५ दिन मात्र रोक्का हुने भएको छ । नेपाल धितोपत्र बोर्डले बिहीबारदेखि लागू गरेको ‘धितोपत्र दर्ता गराएका संगठित संस्था एक आपसमा गाभ्ने/गाभिने तथा प्राप्ति सम्बन्धी निर्देशिका २०७९’ मा उक्त व्यवस्था उल्लेख छ ।


निर्देशिकामा गाभ्ने संस्था वा प्राप्ति गर्ने संस्था र गाभिने संस्था वा लक्षित संस्थाको सेयर मिलान, धितोपत्र पुन: दर्ता, धितोपत्रको अभौतिकीकरण तथा सूचीकरण लगायत कार्यका लागि बढीमा १५ कार्य दिन सेयर कारोबार रोक्का राख्नुपर्ने व्यवस्था गरिएको छ । ‘संगठित संस्थाको नाम परिवर्तन नहुने भएमा अर्को संस्थालाई प्राप्ति गर्ने संस्थाको भने सेयर कारोबार रोक्का राख्नुपर्ने छैन,’ निर्देशिकामा भनिएको छ । यो व्यवस्थासँगै अब दोस्रो बजारमा सूचीकृत सबै संस्थाहरुका लागि एकीकृत नीति बनेको हो । यसअघि बैंक तथा वित्तीय संस्थाका लागि मात्र सेयर कारोबार रोक्का गर्ने नीतिगत व्यवस्था थियो । निर्देशिका लागू भएपछि मर्जरका नाममा लामो समयसम्म सेयर कारोबार रोक्का गर्न नपर्ने भएकाले लगानीकर्ता सेयर किनबेचबाट वञ्चित हुनुपर्ने बाध्यता हटेको छ ।

प्रकाशित : कार्तिक २४, २०७९ १३:३५
पूरा पढ्नुहोस्
प्रतिक्रिया
पठाउनुहोस्
×