चट्याङ लागेर बारेकोटमा १० जना घाइते
जाजरकोट — जिल्लाको बारेकोट-१ धौलाकोटमा चट्याङ लागेर दश जना घाइते भएका छन् । गएराति करिब पौने दश बजे चट्याङ लागेर एकै परिवारका दश जना घाइते भएका हुन् ।
घाइते हुनेमा लक्ष्मी खड्का, देवेन्द्र खड्का, लुकेश खड्का, कालिका बुढा खड्का, नवीन खड्का, रञ्जु खड्का, ललिता बोहरा, राजन बोहरा, गोविन्द बोहरा र सरिता खड्का रहेका छन् ।
घाइतेहरूको प्राथमिकतामा स्वास्थ्य केन्द्र लिम्सामा उपचार भइरहेको गाउँपालिका अध्यक्ष वीरबहादुर गिरीले बताए । अध्यक्ष गिरीका अनुसार स्थानीय स्तरमा उपचार हुन नसके अन्यत्र लैजाने तयारी गरिएको छ ।
प्रतिक्रिया