चट्याङ लागेर बारेकोटमा १० जना घाइते- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

चट्याङ लागेर बारेकोटमा १० जना घाइते

कान्तिपुर संवाददाता

जाजरकोट — जिल्लाको बारेकोट-१ धौलाकोटमा चट्याङ लागेर दश जना घाइते भएका छन् । गएराति करिब पौने दश बजे चट्याङ लागेर एकै परिवारका दश जना घाइते भएका हुन् ।


घाइते हुनेमा लक्ष्मी खड्का, देवेन्द्र खड्का, लुकेश खड्का, कालिका बुढा खड्का, नवीन खड्का, रञ्जु खड्का, ललिता बोहरा, राजन बोहरा, गोविन्द बोहरा र सरिता खड्का रहेका छन् ।

घाइतेहरूको प्राथमिकतामा स्वास्थ्य केन्द्र लिम्सामा उपचार भइरहेको गाउँपालिका अध्यक्ष वीरबहादुर गिरीले बताए । अध्यक्ष गिरीका अनुसार स्थानीय स्तरमा उपचार हुन नसके अन्यत्र लैजाने तयारी गरिएको छ ।


प्रकाशित : आश्विन ५, २०७९ १९:२२
प्रतिक्रिया
पठाउनुहोस्

आयोगले गर्‍यो मुख्य निर्वाचन अधिकृत र निर्वाचन अधिकृत नियुक्त

कान्तिपुर संवाददाता

काठमाडौँ — निर्वाचन आयोगले निर्वाचनमा सम्पन्न गर्नुपर्ने काम गर्न/ गराउनका लागि मुख्य निर्वाचन अधिकृत र निर्वाचन अधिकृत नियुक्त गरेको छ ।

बुधबार एक प्रेस विज्ञप्ति जारी गर्दै आयोगले ७७ जिल्लाका न्यायाधीशलाई सोही जिल्लाको मुख्य निर्वाचन अधिकृतमा नियुक्त गरेको छ ।

यसैगरी न्याय सेवा आयोगको सिफारिसमा बाँकी ८८ निर्वाचन क्षेत्रमा नेपाल न्याय सेवा राजपत्राङ्कित द्वितीय श्रेणीका अधिकृतलाई निर्वाचन अधिकृतमा नियुक्त गरेको आयोगले जनाएको छ ।

आयोगले असोज ११ गतेदेखि लागू हुने गरी उनीहरूलाई नियुक्त गरेको हो ।

प्रकाशित : आश्विन ५, २०७९ १९:१३
पूरा पढ्नुहोस्
प्रतिक्रिया
पठाउनुहोस्
x
×