सुर्खेतमा बादी बालबालिकालाई खाद्यान्न सहयोग- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सुर्खेतमा बादी बालबालिकालाई खाद्यान्न सहयोग

ज्योति कटुवाल

सुर्खेत — वीरेन्द्रनगर–८ खजुरामा रहेको बादी आवासगृहमा खाद्यान्न सहयोग गरिएको छ । कर्णाली प्रदेश सरकारको आन्तरिक मामिला तथा कानुन मन्त्रालयले आवासगृहमा खाद्यान्न सहयोग गरेको हो ।

संविधान दिवसको अवसर पारेर आवासगृहका १ सय २६ जना बादी बालबालिकालाई खाद्यान्न वितरण गरेको छ । चाडपर्व नजिकिँदै गरेको बेला उनीहरुलाई खाद्यान्न सहयोग गरेको कानुन मन्त्रालयका सचिव दिनेशसागर भुसालले बताए । आवसगृहमा ३० बोरा चामल, ५० केजी दाल, पाँच वटा ग्यास सिलिन्डर, दुई पेटी स्याउ, पाँच प्याकेट पिठो, दुई पेटी तेल दिइएको छ । यस्तै पाँच केजी बेसार, एक बोरा आलु, पाँच पेटी स्वविन, एक बोरा काउँली, नुन र खुर्सानीलगायत खाद्यान्न प्रदान गरेको सचिव भुसालले बताए ।

सडक छेउछाउमा मागेर हिँड्ने बालबालिकालाई एक ठाउँमा राखेर पढ्ने वातावरण बनाएकोमा आवासगृहका सञ्चालक हिक्मत बादीलाई आभार व्यक्त गर्दै कानुनमन्त्री हिमबहादुर शाहीले छिट्टै मुख्यमन्त्रीसँगको समन्वयमा बालबालिकालाई गाँसबास र कपासको व्यवस्थासँगै पढ्ने, लेख्ने वातावरण बनाउने प्रतिबद्धता जनाए ।

प्रमुख सचिव गोपीकृष्ण खनालले बादी बालबालिकाको भविष्यबारे प्रदेश सरकारले चिन्ता लिएको बताए । बादी आवासगृहमा कर्णाली प्रदेशका १० जिल्लाबाट झन्डै १ सय २६ जना बालबालिका छनन् ।

प्रकाशित : आश्विन २, २०७९ १७:०२
प्रतिक्रिया
पठाउनुहोस्

विराटनगर विमानस्थलको जग्गासम्बन्धी ओली सरकारको निर्णय खारेज [निर्णयहरू]

कान्तिपुर संवाददाता

काठमाडौँ — सरकारले विराटनगर विमानस्थलका लागि करिब १२७ बिघा (१२६.४६ बिघा) जग्गा अधिग्रहण गर्ने अघिल्लो सरकारको निर्णय खारेज गरिदिएको छ ।मन्त्रिपरिषद्‌को शुक्रबार बसेको बैठकले तत्कालीन केपी शर्मा ओली नेतृत्वको सरकारले २०७७ कात्तिक २७ गतेको निर्णय खारेज गरेको हो ।

निर्णयमा भनिएको छ, 'नेपाल सरकार, मन्त्रिपरिषद्‌को २०७७/०७/२७ को निर्णयबमोजिम विराटनगर विमानस्थलका लागि १२६.४६ बिघा जग्गा अधिग्रहण गर्न नेपाल नागरिक उड्डयन प्राधिकरणलाई स्वीकृति प्रदान गर्ने भन्ने निर्णय भएकोमा उक्त जग्गा प्राप्त नगर्ने ।'

यस्तै, बैठकले विद्युत्‌सम्बन्धी कानुनलाई संशोधन र एकीकरण गर्न बनेको विधेयक, संघीय संसद्‌बाट फिर्ता लिन स्वीकृति दिने, कालीमाटी फलफूल तथा तरकारी बजार विकास समितिको अध्यक्ष पदमा कृषि तथा पशुपन्छी विकास मन्त्रालयमा काररत सहसचिव कालीप्रसाद पराजुलीलाई तोक्ने लगायतको निर्णय गरेको छ ।

प्रकाशित : आश्विन २, २०७९ १६:५४
पूरा पढ्नुहोस्
प्रतिक्रिया
पठाउनुहोस्
×