एकै विद्यालयका २६ विद्यार्थीलाई कोरोना
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
मुगु — मुगुमकार्मारोङ गाउँपालिकाको पुलुमा रहेको नेपाल राष्ट्रिय आधारभूत आवासीय विद्यालयमा अध्ययनरत २६ जना विद्यार्थीमा कोरोना भाइरस पुष्टि भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![एकै विद्यालयका २६ विद्यार्थीलाई कोरोना](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/corona-0352020042346-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
विद्यार्थीहरुमा ज्वरो आउने, टाउको दुख्ने, हल्का खोकी लाग्ने जस्ता लक्षण देखा परेपछि स्वास्थ्यकर्मीले एन्टिजेन परीक्षण गर्दा २६ जनालाई करोना पोजेटिभ देखाएको विद्यालयका प्रधानध्यापक कुशल शाहीले बताए । समान्य रुघाखोकीको लक्षण देखिएका विधार्थीहरुलाई कोरोना पोजेटिभ देखिएको उनको भनाइ छ ।
झन्डै १ सय ३२ जना विद्यार्थीहरुलाई एन्टिजेन परीक्षण गर्दा २६ जना विधार्थीलाई कोरोना पोजेटिभ देखा परेपछि विद्यार्थीहरुलाई राष्ट्रपति शैक्षिक सुधार भवनमा राखेर औषधि उपचार गरिरहेको प्रधानध्यापकले बताए ।
विद्यार्थीहरुलाई कोरोना देखिएकपछि विद्यालयमा सामूहिक पढाइलेखाइ बन्द गरी विद्यार्थीहरुलाई अलग–अलग कोठामा राखेर शिक्षकले गृह कार्य दिने, विद्यार्थीले नजानेको कुरा सिकाइदिने गरेका छन् ।
विद्यालयमा ३ सय ७९ जना विद्यार्थी अध्ययनरत छन् भने ७ जना शिक्षक ११ जना सहयोगी कार्यरत छन् ।
![](https://assets-cdn.ekantipur.com/uploads/source/ads/900-x-100-0172024023126.gif)