बारेकोट गाउँपालिका-६ का अध्यक्षमाथि खुकरी प्रहार
जाजरकोट — जाजरकोटको बारेकोट गाउँपालिकास्थित वडा नं ६ का अध्यक्ष डम्बरबहादुर महतारामाथि खुकुरी प्रहार गरी निर्घात कुटपिट गरिएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![बारेकोट गाउँपालिका-६ का अध्यक्षमाथि खुकरी प्रहार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/kutpit-2572022045347-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
एमालेबाट निर्वाचित महतारामाथि सोमबार बिहान आफ्नै निवासमा रहेका बेला कांग्रेसका स्थानीय नेता अविनाश नेपाली र स्थानीय टेकेन्द्र नेपालीले टाउकोमा खुकुरी र ढुंगा प्रहार गरी गम्भीर घाइते बनाएको स्थानीय जयराम बस्नेतले जानकारी दिए ।
घटनाको विषयमा अनुसन्धान भइरहेको जिल्ला प्रहरी कार्यालय जाजरकोटका सूचना अधिकारी एवं प्रहरी निरीक्षक पुष्कर पन्तले बताएका छन् ।
उनले भने, ‘वडाध्यक्षमाथि कुटपिट भइ खुकुरी प्रहार गरिएको भन्ने जानकारी आएको छ, उक्त घटनामा आवश्यक अनुसन्धान भइरहेको छ ।'
घटनामा संग्लन आरोपित दुई जना फरार रहेकाले खोजतलास भइरहेको प्रहरीले जनाएको छ । घाइते वडाध्यक्षलाई उपचारका लागि खलंगातर्फ ल्याइएको छ । गत वैशाखमा सम्पन्न स्थानीय निर्वाचनको रिसइबीका कारण कुटपिट भएको भन्दै नेकपा एमाले जिल्ला कमिटीले दोषीमाथि कडा कारबाहीको माग गर्दै विरोध जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)