अटोरिक्साले बनायो आत्मनिर्भर

मजदुरी गर्न खोज्दा सहज रूपमा उनले काम पाउन सकेकी थिइनन् । कक्षा ५ सम्म पढेकी उनले हार मानिनन् । उनलाई केही गरेर छोराछोरी जसरी पनि पाल्न सक्छु भन्ने दृढ विश्वास भयो । त्यही आत्मविश्वासले उनलाई अटोरिक्सा चलाउने बनायो । उनका लागि अटोरिक्सा आत्मनिर्भरको बाटो बनेको छ ।

अटो चलाएर उनले परिवार सजिलै पाल्दै आएकी छन् । अटो चलाएर अटोको मर्मत, तेल खर्च कटाएर उनले दैनिक २५ सयसम्म कमाउने गरेकी छन् । अटो चलाएर कमाएको रकमबाट उनले आफ्ना सन्तानलाई पढाउन थालेकी छन् ।

वैदेशिक रोजगारीमा जाने बहानामा श्रीमान्‌ले स्थानीय साहुसँग लिएको चार लाख रुपैयाँ ऋणसमेत उनले अटो चलाएर कमाएको पैसाले तिरिसकेकी छन् ।

इच्छाशक्ति भएपछि केही गरेर आफ्नो र परिवारको लालनपालन गर्न सकिन्छ भन्ने उनको दृढता छ । ‘सधैं श्रीमान्को मात्रै भर पर्नु पर्दैन भन्ने आफैंबाट सिके,’ उनले भनिन्, ‘घरको कामदेखि बाहिरको सबै काम आफैंले गर्नुपर्छ । बच्चाबच्चीको लालनपालनका लागि पनि नगरी नहुने बाध्यता छ ।’