जुम्लामा भ्यान दुर्घटना हुँदा १० घाइते 

घाइतेलाई कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा ल्याइँदैछ । केही सामान्य घाइते छन् । केही यात्रुलाई गम्भीर चोट लागेको देखिएको छ ।

डिएसपी चन्दले भने,‘अहिले घाइतेको उद्धार भइरहेको छ । कर्णाली स्वास्थ्य विज्ञान प्रतिष्ठान शिक्षण अस्पताल जुम्लाबाट एम्बुलेन्स घाइते ल्याउन गइरहेको छ ।'

तीव्र गतिमा आएको भ्यान सिधै सडकबाट खोलामा गएको स्थानीय लोकबहादुर दमाइले जानकारी दिए । उनले भने,‘भ्यान सिधै खोलामा गएर मात्र बच्यो । अन्यत्र स्थानमा खसेको भए सबैको अवस्था दयनीय हुने थियो ।