कर्णालीलाई पूर्ण सफाइयुक्त प्रदेश बनाउने अभियानमा मुख्यमन्त्री शाही- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

कर्णालीलाई पूर्ण सफाइयुक्त प्रदेश बनाउने अभियानमा मुख्यमन्त्री शाही

जनकबहादुर शाही

सुर्खेत — कर्णाली प्रदेशका मुख्यमन्त्री जीवनबहादुर शाहीले कर्णालीलाई पूर्ण सरसफाइयुक्त र स्वच्छ प्रदेश बनाउने अभियानको सुरुआत गरेको बताए । यसको उदाहरणको रुपमा प्रदेश राजधानी वीरेन्द्रनगरलाई हेर्नुपर्ने उनले बताए ।

शनिबार वीरेन्द्रनगर नगरपालिका-५ लाई पुर्ण सरसफाइयुक्त वडा घोषणा गर्दै मुख्यमन्त्री शाहीले सरसफाइले समाजको असली परिचय दिने बताए । मुख्यमन्त्री शाहीले प्रदेश राजधानीलाई सरसफाइ, स्वच्छ, पूर्वाधारयुक्त बनाउन प्रदेश सरकार लागि परेको बताए । उनले प्रदेश राजधानीको विकास नभएसम्म अन्य ठाउँको विकास नहुने पनि बताएका थिए ।

यस्तै प्रदेश सरकारको ध्यान सम्पूर्ण सूचकहरुमा वीरेन्द्रनगरलाई पूर्ण बनाउन केन्द्रित भएको उनले बताए । साथै यस अभियानमा स्थानीय तहहरुको हातेमालो र सहयोगको खाँचो रहेको भन्दै उनले आह्वान गरेका थिए । मुख्यमन्त्री शाहीले कर्णालीले जसरी सुरुमा एकमतका साथ नाम र राजधानी तय गर्‍यो त्यसैगरी पूर्ण सरसफाइ र स्वच्छ प्रदेश पनि बनाउन अग्रसर हुनुपर्ने बताए ।

वीरेन्द्रनगर नगरपालिकाको ५ नम्बर वडा कर्णाली प्रदेशको तेस्रो र सुर्खेतको पहिलो पूर्ण सरसफाइयुक्त वडा घोषणा गरिएको छ । यसअघि हुम्ला जिल्ला खार्पुनाथ गाउँपालिका-१ लाली कर्णाली प्रदेशकै पहिलो र हुम्ला जिल्ला सर्केगाड गाउँपालिका-३ उनापानीलाई दोस्रो पूर्ण सरसफाइयुक्त वडा घोषणा गरिएको थियो ।

प्रकाशित : चैत्र १९, २०७८ १८:२३
प्रतिक्रिया
पठाउनुहोस्

बेलिब्रिजले हुम्ला र मुगु सडक सञ्‍जालमा जोडिए

जनकबहादुर शाही

हुम्ला — मुगुको इमालमोरमा बेलिब्रिज बन्दा हुम्ला र मुगु सडक सञ्जालसँग जाडिएका छन् । हुम्ला र मुगुका स्थानीयहरुलाई कर्णाली नदी वारपार गर्न समस्या भएपछि स्थानीय सरकारको लगानीमा बेलिब्रिज जोडिए पछि हुम्ला जिल्ला मुगुसँग सडक सञ्जालमा जोडिएको हो ।

मुगुको छायानाथ रारा नगरपालिका वडा नम्बर ३ र १३ मा रहेको इमालमोर भन्ने स्थानमा मुगु कर्णालीमाथि बेलिब्रिज निर्माण गरिएको हो । छायानाथ रारा नगरपालिका–१ देखि हुम्लाको चंखेली गाउँपालिका हुँदै हुम्ला कर्णालीसम्म ग्रामीण पहुँच कार्यक्रमले सडक बनाएर मुगु र हुम्ला जोडेको भएपनि पनि मुगु कर्णाली नदीमा पुल नहुँदा यहाका स्थानीय सडक बनेर पनि यातायातको सुविधा लिनबाट वञ्चित थिए ।

तत्कालीन जिल्ला विकास समिति हाल संघीय सरकार माताहत करिब ६ करोडको ठेक्का गरेर मुगु हुम्ला लिंक रोडको मुगु कर्णाली नदीमा पक्की पुल बनाउन ठेक्का लगाए पनि प्राविधिक कारण देखाउँदै समयमा पक्कि पुल नबन्दा यो समस्या आएको हो । मुगु कर्णाली पारि रहेका छायानाथ रारा नगरपालिका–१३ र १४ मा सडक बनेपछि कर्णाली नदीमा पुल नहुँदा स्थानीयले दु:ख पाएपछि छायानाथ रारा नगरपालिकाले ५ करोड २० लाख ५५ हजार ९ सय २ रुपैयाँमा बेलिब्रिज निर्माण सम्पन्न गरी हुम्लासँग सडक सञ्जाल जोडिएको छायानाथ रारा नगरपालिकाका प्रमुख हरिजन शाहीले बताए ।

बेलीब्रिजल मुगु र हुम्ला जोडेसंगैे अब केही सहज हुने चंखेली गाउँपालिकाका उपाध्यक्ष विमला शाहीको भनाइ छ ।

प्रकाशित : चैत्र १९, २०७८ ११:४८
पूरा पढ्नुहोस्
प्रतिक्रिया
पठाउनुहोस्
×