हुम्लामा हिमपात, हवाई सेवा अवरुद्ध

नेपालगञ्ज र सुर्खेतबाट उडान हुने सम्पूर्ण हवाई सेवा बन्द भएपछि यात्रुहरू अलपत्र परेका छन् ।

सदरमुकाम सिमीकोटमा अत्यधिक चिसो बढेपछि जनजीवन अस्तव्यस्त भएको स्थानीयहरूले बताएका छन् । यस्तै हिमपातका कारण अन्य क्षेत्रबाट सदरमुकामसम्म आवत जावतका लागि कठिन भएको छ । यद्यपि किसानहरू भने बाली सप्रने भन्दै खुसी देखिएका छन् ।

फागुनको दोस्रो सातामा पनि बाक्लो हिउँ परेपछि सदरमुकामसहित आसपासका क्षेत्रमा पुस, माघमा जस्तै चिसो बढेको स्थानीयहरूले बताएका छन् । हुम्लामा यसअघि पनि मौसम खराब हुँदा पटक पटक हवाई सेवा अवरुद्ध हुँदैआएको छ ।