तीन फरार अभियुक्त पक्राउ

सुर्खेतको सिम्ता गाउँपालिका–४ का ६२ वर्षीय भद्रबहादुर सिंह, सोही गाउँपालिका–८ का ६६ वर्षीय कुशल खत्री र सिम्ता–६ का ३७ वर्षीय करण नेपालीलाई प्रहरीले पक्राउ गरेको छ ।

सिंहलाई लागूऔषध गाँजा चरेस मुद्दामा अदालतले १० महिना १८ दिन कैद सजायको फैसला सुनाएको थियो । खत्रीलाई ज्यान मार्ने उद्योग मुद्दामा जिल्ला अदालतको २०५१ असार ९ गतेको फैसलाको आदेशले सात वर्ष कैद सजाय सुनाएको थियो ।

यस्तै नेपालीलाई सार्वजनिक मुद्दामा अदालतले ५०० रुपैयाँ जरिवानाको फैसला गरेको थियो । तीनै जना अभियुक्तलाई पक्राउ गरी अदालतमा बुझाएको जिल्ला प्रहरी कार्यालय सुर्खेतका प्रहरी निरीक्षक कनकबहादुर शाहीले जानकारी दिए ।