जाजरकोटमा ट्र्याक्टर दुर्घटना हुँदा प्रधानाध्यापकसहित दुई जनाको मृत्यु- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

जाजरकोटमा ट्र्याक्टर दुर्घटना हुँदा प्रधानाध्यापकसहित दुई जनाको मृत्यु

हरिहरसिंह राठौर

जाजरकोट — कुशे गाउँपालिका–५ खुर्पाखोलामा बिहीबार भएको ट्र्याक्टर दुर्घटनामा स्थानीय विद्यालयका प्रधानाध्यापकसहित दुई जनाको मृत्यु भएको छ । मृत्यु हुनेमा कुशे गाउँपालिका–५ खुर्पा निवासी २६ वर्षीय मानबहादुर कामी र ढिमे निवासी ४० वर्षीय ओमप्रकाश मल्ल छन् । मृतक मल्ल सरस्वती प्राथमिक विद्यालय बाटुल्याका प्रधानाध्यापक हुन् ।

विभिन्न जुडिबुटी बोकेर पैंकदेखि खलंगातर्फ जाँदै गरेको क प्र २०३००१ त २७३६ नम्बरको ट्र्याक्टर बिहीबार बिहान खुर्पाखोलामा दुर्घटनामा परेको जिल्ला प्रहरी कार्यालय जाजरकोटले जनाएको छ । कार्यालयका अनुसार ट्र्याक्टर सडकबाट झण्डै ५०० मिटर तल खसेको छ ।

दुर्घटनापछि ट्र्याक्टर चालक ढिमे निवासी २४ वर्षीय बलबहादुर विक र सहचालक ढिमे निवासी १८ वर्षीय जनकबहादुर विक फरार भएका छन् । उनीहरुको खोजी भइरहेको प्रहरीले जनाएको छ । दुवै शव परीक्षणका लागि खलंगा अस्पताल ल्याइएको छ ।

प्रकाशित : पुस २९, २०७८ १८:५४
प्रतिक्रिया
पठाउनुहोस्

सामसङले ल्यायो ग्यालेक्सी 'एस २१ एफई ५ जी'

कान्तिपुर संवाददाता

काठमाडौँ — सामसङले २०२२ को आफ्नो पहिलो प्रमुख ग्यालेक्सी उत्पादन एस २१ एफई ५ जी बजारमा प्रस्तुत गरेको छ । ग्यालेक्सी एस २१ का प्रिमियम गुणहरुको भरपुर शक्ति भएको ग्यालेक्सी एस २१ एफई ५ जी नयाँ डिजाइन, शक्तिशाली कार्यक्षमता, प्रो–श्रेणीको क्यामरा र कठिनाइरहित इकोसिस्टम सम्पर्क क्षमताका साथ उपलब्ध रहेको सामसङले जनाएको छ । 

सामसङ मोबाइल नेपालका बिजनेस प्रमुख प्रणय रत्न स्थापित भन्छन् ‘सर्वोत्तम श्रेणीको त्रि–क्यामरा, ६.४ इन्चको एफएचडीका साथै अद्वितीय एमोलेड डिस्प्ले, १२० हर्जको रिफ्रेस दर एवम् शक्तिशाली प्रोसेसरयुक्त ग्यालेक्सी एस २१ एफई ५जीले युवालाई बेग्लै आनन्दित बनाउने छ । यसको रङ्ग र डिजाइनले मन पनि जित्नेछ ।’

यसमा तीनवटा क्यामरा जडान गरिएको छ । यसको पृष्ठ भागमा उच्चतम श्रेणीको १२ एमपी (युडब्लु) +१२ एमपी (डब्लु) +८ एमपी (टेली) क्यामरा छन् । यसमा ३२ एमपी क्षमताको अग्र क्यामरा छ । प्रो–श्रेणीको क्यामरा प्रणालीमा दोहोरो रेकर्डिङ, पोट्रेट मोड, विस्तारित रात्रि मोड र ३० गुनासम्म नजिक जूम सुविधा छन् ।

६.४ इन्चको एफएचडी प्लस डाइनामिक एमोलेड डिस्प्ले रहेको यो फोन अत्यन्त सजिलो १२० हर्ज रिफ्रेस दर, २४० हर्ज टच स्याम्प्लिङ दरयुक्त छ । सजिलो स्क्रोलिङ्ग अनुभवको लागि एआईमा आधारित ब्लु लाइट नियन्त्रण छ जसले आँखालाई बिझाउन दिँदैन । यस्तै ५ एनएम एक्जिनस २१०० प्रोसेसर र ४५०० एमएएच ब्याट्री भएको ग्यालेक्सी एस२१ एफई ५ जीले अधिकतम उच्च गति र निर्वाध कार्य क्षमताको सुनिश्चितता प्रदान गर्दछ । यो ताररहित पावर सेयर र ताररहित छिटो चार्ज हुने २.०का साथ उपलब्ध छ र यसले २५ वाट तीव्र चार्जलाई साथ दिन्छ । आईपी ६८ रेटिङ्गले स्मार्टफोनलाई धुलो र पानी प्रतिरोधक बनाएको छ । ग्यालेक्सी एस २१ एफई ५ जी दिनभर चल्ने ब्याट्री र वाईफाई ६ सम्पर्क क्षमताका साथ उच्चतम शक्ति, गति र कार्य क्षमतासहित उपलब्ध छ ।

यो ग्राफाइट, लाभेन्डर, र अलीभ गरी तीन रङमा उपलब्ध छ । यो फोन ८+२५६ जिबी भेरियन्टको मूल्य ८९ हजार ९९९ तोकिएको छ । यो फोन सामसङका सीमित ब्राण्ड स्टोर तथा रिटेल स्टोरहरुबाट खरिद गर्न सकिने कम्पनीले जनाएको छ ।


प्रकाशित : पुस २९, २०७८ १८:५३
पूरा पढ्नुहोस्
प्रतिक्रिया
पठाउनुहोस्
×