डेंगु रोकथामबारे अन्तरक्रिया र सतर्कता
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रोल्पा — रोल्पा नगरपालिकाले डेंगु संक्रमण रोकथामबारे सरोकारवालासँग अन्तरक्रिया गरेको छ । नगरका जनप्रतिनिधिहरूले स्वास्थ्यकर्मी, पत्रकार, जनप्रतिनिधि, सुरक्षाकर्मी लगायतसँग छलफल गरेका हुन् ।
![](https://assets-cdn.ekantipur.com/uploads/source/ads/900x100-1172024092759.gif)
![डेंगु रोकथामबारे अन्तरक्रिया र सतर्कता](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/denguee-1792022034127-1000x0.gif&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
शुक्रबार गरिएको कार्यक्रममा प्रकोपको रुप लिइरहेको डेंगु रोगबारे रोल्पा अस्पतालका मेडिकल अधिकृत डा रणबहादुर बोगटीले जानकारी गराएका थिए । नगरभित्रका बजार क्षेत्रका स्वास्थ्यकर्मी समेतको उपस्थिति रहेको उक्त कार्यक्रममा ज्वरो अत्यधिक देखिएमा अस्पताल पठाउन जनप्रनिधिलाई सचेत बनाइएको थियो ।
डा बोगटीले लामखुट्टेका कारण डेंगु सर्ने भएकाले लामखुट्टेको बासस्थान नष्ट गर्न सुरक्षाकर्मीले सघाउनु पर्ने सुझाव दिएका थिए । हाल रोल्पामा दुई जनामा उक्त रोग देखिएको छ ।
नगरका स्वास्थ्य विभाग प्रमुख टंक गिरीले नगरभित्रका सबै फोहर स्थानको सरसफाइ गर्ने र ज्वरोबाट जोगाउन स्वास्थ्यकर्मीलाई खटाइएको बताए । उनले नगर क्षेत्रमा जनचेतना विस्तार गर्नुका साथै बिरामी भएमा तत्काल उपचार गर्न सुझाव दिए ।
लिबाङ क्षेत्र रहेको रोल्पा नगरपालिका वडा नं ४ का वडा अध्यक्ष मित्रलाल गुरुङले नगरवासीले सरसफाइ र स्वास्थ्य सुरक्षामा ध्यान दिन आह्वान गरे । उनले वडा क्षेत्रभर नगरवासीको घरदैलो अभियान सञ्चालन गरी स्वास्थ्य सुरक्षामा ध्यान दिन नगरबाट विशेष निर्णय गर्नुपर्ने समेत बताए ।
![](https://assets-cdn.ekantipur.com/uploads/source/ads/900-x-100-0172024023126.gif)