पूर्वी नवलपरासीका ४५ उम्मेदवारले बुझाए खर्च विवरण
पूर्वी नवलपरासी — मंसिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनमा उम्मेदवार रहेकामध्ये ४५ जनाले निर्वाचनमा आफूले गरेको खर्चको विवरण बुझाएका छन् ।
पूर्वी नवलपरासीमा प्रतिनिधिसभा र प्रदेशसभामा उम्मेदवार बनेका ६८ जनामध्ये मंगलबारसम्म ४५ उम्मेदवारले खर्चको विवरण बुझाएको जिल्ला निर्वाचन कार्यालयले जनाएको छ ।
उम्मेदवार बनेका नेपाली कांग्रेस, नेकपा एमाले, नेकपा माओवादी केन्द्र , एकीकृत समाजवादी, हाम्रो नेपाली पार्टी, जनमुक्ति पार्टी र अन्य केहि स्वतन्त्र उम्मेदवारले निर्वाचन कार्यालयमा निर्वाचनको खर्च विवरण बुझाएको कार्यालय प्रमुख लालप्रसाद भुसालले जानकारी दिए ।
चुनावको मतपरिणाम सार्वजनिक भएको ३५ दिनभित्र उम्मेदवारले गरेको खर्चको विवरण बुझाउनुपर्ने निर्वाचन ऐनमा व्यवस्था छ ।
प्रकाशित : मंसिर २१, २०७९ ०६:२३प्रतिक्रिया
