राइकोटमा भीरबाट जिप खस्दा ९ जना घाइते- गण्डकी - कान्तिपुर समाचार

राइकोटमा भीरबाट जिप खस्दा ९ जना घाइते

नारायण शर्मा

पूर्वी नवलपरासी — पूर्वी नवलपरासीको महेन्द्रराजमार्गमा पर्ने दल्दले बजारबाट डेढगाउतर्फ जाँदै गरेको ००१ ज ०००६ नम्बरको जिप भीरबाट करिब डेढ सय मिटर तल खस्दा ९ जना घाइते भएका छन् ।

राइकोट भन्ने स्थान नजिक भीरबाट जिप खस्दा सबै घाइते भएका स्थानीय नोबल सिंह थापाले टेलिफोनमा जानकारी दिए ।उनीहरूमध्ये ३ जना सख्त घाइते रहेको जिल्ला प्रहरी कार्यालय कावासोतीले जनाएको छ ।

प्रहरी उपरीक्षक भुवनेश्वर तिवारीका अनुसार ५ जनालाई उद्धार गरेर जिपमा भरतपुर पठाइएको छ । अन्य २ जनाको उद्धारकार्य जारी छ । घटनास्थलमा बुलिंटार, डेढगाउँ, रुद्रपुर र जिल्ला प्रहरी कार्यालयको उद्धार टोली पुगेको र अहिले उद्धार कार्य जारी रहेको प्रहरीले जानकारी दिएको छ ।

दल्दलेवाट जादैगर्दा ५ जना रहेको र बिच बिचवाट चढेका समेत गरेर नौ जना पुगेको स्थानियको भनाई छ ।

घटनास्थल महेन्द्रराजमार्गको दल्दले बजारवाट करिब २८ किलोमिटर उत्तर पश्चिममा ( दुर्गम पहाडी भेगमा) पर्छ ।

प्रकाशित : मंसिर १५, २०७९ १९:१४
प्रतिक्रिया
पठाउनुहोस्

भारतबाट घटेर आयो पेट्रोलियम पदार्थको मूल्य

निगमलाई पाक्षिक ५३ करोड नाफा हुने
कान्तिपुर संवाददाता

काठमाडौँ — भारतीय आयल कर्पोरेसन (आईओसी)ले पेट्रोलियम पदार्थको नयाँ मूल्य सूची पठाएको छ । बिहीबार (डिसेम्बर १) मा पठाएको सूचीअनुसार पेट्रोल/डिजेलको मूल्य केही घटेको छ । खाना पकाउने  एलपी ग्यासको मूल्य भने बढेर आएको निगमले जनाएको छ ।

‘आईओसीले पठाएको मूल्य सूची अनुसार पेट्रोल प्रतिलिटर २ रुपैयाँ ३८ पैसा, डिजेल ११ रुपैयाँ २६ पैसा घटेर आएको छ,’ निगमका आपूर्ति तथा वितरण विभाग निर्देशक बिरेन्द्र गोइतले भने, ‘ग्यासको हकमा प्रति सिलिन्डर ४५ रुपैयाँ बढेर आएको छ ।’

नयाँ मूल्यसूची अनुसार निगमलाई पेट्रोलमा प्रतिलिटर १३ रुपैयाँ, डिजेलमा ५३ पैसा नाफा रहेको छ । ग्यासको घाटा भने बढेर प्रतिसिलिन्डर २ सय ७७ रुपैयाँ पुगेको छ । ‘हालको मूल्य यथावत राख्दा समग्रमा अबको १५ दिनमा नाफा ५३ करोड हुने अनुमान छ,’ गोइतले भने, ‘तर, आईओसीको बक्यौता र सरकारकै ऋण चुक्ता गर्नुपर्ने दबाब पनि उत्तिकै छ ।’ गोइतका अनुसार नोभेम्बर १६को मूल्य सूचीअनुसार निगमलाई १५ दिनमा करिब ३० करोड घाटा भएको छ ।

प्रकाशित : मंसिर १५, २०७९ १९:११
पूरा पढ्नुहोस्
प्रतिक्रिया
पठाउनुहोस्
×