पूर्वी नवलपरासीका दुई घरमा आगलागी

जिल्ला प्रहरीका अनुसार मध्यबिन्दु नगरपालिका वडा नम्बर–२ सीतापुरका राजकुमार महतोको किराना पसलमा आगलागी हुँदा ६ लाख मूल्य बराबरको क्षति भएको छ ।

त्यसैगरी देवचुली नगरपालिका वडा नम्बर १३ को एक शिशु स्याहार केन्द्रमा भएको आगलागीले ७ लाख मूल्य बराबरको क्षति भएको छ ।

दुवै घरमा शनिबार विद्युत् सर्ट भएर आगो लागेको प्रहरीले जनायो । त्यहाँ मानवीय दुर्घटना भने भएको छैन । कावासोती नगरपालिकाको दमकल, स्थानीय र सुरक्षाकर्मीले आगो नियन्त्रणमा लिएका थिए ।