स्वास्थ्यकर्मी नहुँदा हेमोडायलसिस प्रभावित

सरकारी अस्पतालमा निःशुल्क हुने उक्त सेवा पालो पर्खेका बिरामीले पोखरा, काठमाडौंका निजी अस्पतालमा प्रत्येक पटक ७ देखि १२ हजार शुल्क तिर्न बाध्य छन् ।

‘नाम लेखाई पालो पर्खनुपर्छ । बिरामीलाई मेसिनमा जोडेपछि अविच्छिन्न स्वास्थ्यकर्मीको निगरानी चाहिन्छ । तीन जना मात्र स्वास्थ्यकर्मी भएकाले दैनिक १०–१२ घण्टा खट्नुपर्ने हुन्छ,’ अस्पताल हेमोडायलसिस युनिटकी सिनियर अनमी सुमित्रा पुनले भनिन्, ‘थप तीन जना तालिम प्राप्त स्वास्थ्यकर्मी भए पालो पर्खेका ११ जनालाई पनि सेवा दिन सकिन्थ्यो ।’

डायलसिसमा जनशक्ति अभाव मात्र होइन, विद्युत् आपूर्तिमा पनि समस्या हुने गरेको छ । अकस्मात् विद्युत् जाने र समयमै जेनेरेटरसमेत चलाउन नसक्ने अवस्थामा डायलसिस गरिरहेको बिरामीको स्वास्थ्य जोखिममा पर्ने स्वास्थ्यकर्मी बताउँछन् ।