भन्सार छलेर ल्याएको ५४ लाख रुपैयाँ बराबरको चिनी र कपडा बरामद
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पूर्वी नवलपरासी — भन्सार छलेर ल्याएको ५४ लाख रुपैयाँभन्दा बढी मूल्य बराबरको चिनी र कपडा प्रहरीले अरुणखोलाबाट बरामद गरेको छ ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जिल्ला प्रहरी कार्यालय पूर्वी नवलपरासीका अनुसार बर्दघाटबाट कावासोतीतर्फ आउँदै गरेको लु २ ख ६३७ नम्बरको ट्रकमा ल्याइएको १९ सय १७ पिस सर्ट र ४ सय १८ बोरा चिनी सोमबार बिहान बरामद गरिएको हो ।
दुवै सामानको प्रचलित बजार मूल्य ५४ लाख ३६ हजार बराबरको रहेको प्रहरीको भनाइ छ । बरामद भएको सामान अनुसन्धानका लागि राजस्व कार्यालय रुपन्देही पठाइएको छ । सामान कसले ल्याएको हो भन्ने बारेमा अनुसन्धान भइरहेकाले कारोबारमा संलग्न व्यक्तिका बारेमा पछि जानकारी दिने प्रहरीले बताएको छ
प्रकाशित : असार २७, २०७९ २०:५८प्रतिक्रिया