सेती नदीमा हाम फालेकी किशोरी वेपत्ता

बुधबार दिउँसो १२ बजेर ४५ मिनेट जाँदा धादिङ निलकण्ठ नगरपालिका–५ घर भई हाल पोखरा–१ अधिकारी टोलमा बस्दै आएकी १८ वर्षीया कन्चन अवस्थी नदीमा हाम फालेकी हुन् ।

जिल्ला प्रहरी कास्कीका प्रहरी निरीक्षक ज्ञानबहादुर खड्काका अनुसार किशोरी बुधबार साँझसम्म पनि भेटिएकी छैनन् । अहिले प्रहरीको उद्धार टोलीले उनको खोजी कार्य जारी राखेको जनाएको छ ।

अवस्थी पोखराको पीएन क्याम्पसमा बीएस्सी पहिलो वर्षमा अध्ययनरत थिइन् । उनले मानसिक रोगको औषधि सेवन गर्दै आएको प्रहरीको प्रारम्भिक अनुसन्धानबाट खुलेको छ ।