दुर्घटनामा एक महिलाको मृत्यु- गण्डकी - कान्तिपुर समाचार

दुर्घटनामा एक महिलाको मृत्यु

सम्झना रसाइली

तनहुँ — पृथ्वीराजमार्ग अन्तर्गत जिल्लाको म्याग्दे गाउँपालिका–१ तल्लो गुणादीमा मंगलबार दुर्घटनामा परी एक महिलाको मृत्यु भएको छ । मृत्यु हुनेमा भिमाद नगरपालिका–२ की ४० वर्षीया पवित्रा थापा रहेको जिल्ला प्रहरी कार्यालय तनहुँले जनाएको छ ।

खैरेनीटारबाट दमौलीतर्फ आउँदै गरेको ना ४ ख ८४४५ नम्बरको बसले सोही दिशाबाट आउँदै गरेको ग २० प ६३३६ नम्बरको स्कुटरलाई ठक्कर दिँदा स्कुटरमा सवार थापाको मृत्यु भएको हो ।

थापाको दमौली अस्पतालमा मृत्यु भएको प्रहरी नायब उपरीक्षक युवराज खड्काले बताए । अर्का एक जना घाइते सुशीर थापाको अवस्था गम्भिर रहेको र पोखरामा उपचार भइरहेको बताइएको छ । पवित्रा र सुशीर आमाछोरा हुन् ।

प्रकाशित : जेष्ठ १०, २०७९ १५:२०
प्रतिक्रिया
पठाउनुहोस्

सुन भन्दै पहेंलो रङका फलामका ढिक्का दिएर ठग्ने पक्राउ

अमृता अनमोल

बुटवल — सुन भन्दै पहेंलो रङका फलामका ढिक्का दिएर ठग्ने २ जनालाई प्रहरीले पक्राउ गरेको छ ।

पक्राउ पर्नेमा रुपन्देहीको गैडहवा गााउँपालिका ९ धुसुवा बस्ने ३७ वर्षीय काके भन्ने धन बहादुर सुनार र अर्घाखाँचीको मालारानी गााउँपालिका घर भइ रुपन्देही कञ्चन गाउँपालिका १ हात्तीबजार बस्ने ३७ वर्षीय नवीन भन्ने देव बहादुर मगर रहेका छन् ।

उनीहरुबाट सुन जस्तो देखिने पाहेंलो पदार्थ लगाएको फलामको ढिक्का ९, विभिन्न कम्पनीका मोबाइल सेट ४ थान, गोल्डेन रंग सहितको बट्टा १ थान र पीडितको ब्रासलेट गालेर बनाएको १ तोला ७ लाल ८ पोइन्ट सुनको डल्ला बरामद गरेको छ ।

उनीहरुले सैनामैना नगरपालिका १० शितलापुरस्थित एक होटलमा जेठ ५ गते धन सौमैलाई पुरानो बाँकी रहेको पैसा दिन्छौं भनी होटलमा बोलाएर झुक्याई सुन जस्तो देखिने गोल्डेन कलरको फलामको ढिक्का दिएर फरार भएका थिए । पीडितले दिएको उजुरीका आधारमा अभियुक्तहरुलाई पक्राउ गरी ठगी मुद्दा दर्ता गरी अनुसन्धान अगाडि बढाएको जिल्ला प्रहरी कार्यालय रुपन्देहीका प्रहरी नायव उपरीक्षक नवरत्न पौडेलले बताए ।

प्रकाशित : जेष्ठ १०, २०७९ १५:१६
पूरा पढ्नुहोस्
प्रतिक्रिया
पठाउनुहोस्
×