२७.१२°C काठमाडौं
बार भत्कँदा भीरबाट लडेर किशोरको मृत्यु
तनहुँ — बन्दीपुरस्थित टुँडिखेलबाट खसेर बुधबार साँझ एक किशोरको मृत्यु भएको छ । मृत्यु हुनेमा बन्दिपुर गाउँपालिका-२ हल्थुमका टेकबहादुर गुरुङका १७ वर्षीय छोरा कृजन गुरुङ रहेको प्रहरीले जनाएको छ ।
टुँडिखेलको छेउमा लगाइएको रेलिङ भत्किँदा कृजन भीरबाट करिब तीन सय मिटर तल खसेका थिए । उनको उद्धार गरी बन्दीपुर अस्पतालमा लगिएको र उपचारका क्रममा मृत्यु भएको बताइएको छ ।
उक्त घटनाको थप अनुसन्धान भइरहेको इलाका प्रहरी कार्यलय बन्दीपुरले जनाएको छ ।
प्रकाशित : चैत्र ३, २०७८ ०८:०३प्रतिक्रिया
