गोरखा — गोरखा नगरपालिका–१ आधमारेका ७० वर्षीय नारायण दत्त न्यौपाने सम्पर्कविहीन बनेको झण्डै ६ महिनापछि मृत भेटिएका छन् ।
गत कात्तिक २३ गतेबाट परिवारबाट सम्पर्कविहीन बनेका न्यौपानेको शव बुधबार अजमरे खोल्सामा भेटिएको जिल्ला प्रहरी कार्यालय गोरखाका प्रहरी निरीक्षक धर्म अधिकारीले बताए ।
शव प्रहरीले बुधबार नै परिवारलाई जिम्मा लगाएको छ । घटनाको थप अनुसन्धान भइरहेको अधिकारीले बताए ।