कास्की प्रशासनमा अत्यावश्यक बाहेकका सेवा बन्द

प्रमुख जिल्ला अधिकारी जयनारायण आचार्यले सोमबार सूचनामार्फत मंगलबारदेखि अर्को सूचना जारी नभएसम्मका लागि शान्ति सुरक्षा, मुद्दा व्यवस्थापन, विपद् व्यवस्थापन तथा अत्यावश्यक बाहेकका सेवा स्थगन गरिएको जनाएका हुन् ।

प्रजिअ आचार्यले ७ कर्मचारीमा कोरोना पुष्टि भएको र अन्य कर्मचारीमा पनि लक्षण देखिएकाले सेवा बन्द गर्नुपर्ने अवस्था आएको बताए ।

‘सबै कर्मचारी फ्रन्टलाइनर भएकाले समस्या भयो’ उनले भने । नागरिकताको प्रमाणपत्र, राहदानी वितरण, लेखा शाखाबाट हुने काम, संघसंस्थालगायतका काम मंगलबारबाट नहुने प्रशासनले जनाएको छ ।