तनहुँमा करेन्ट लागेर एकको मृत्यु- गण्डकी - कान्तिपुर समाचार

तनहुँमा करेन्ट लागेर एकको मृत्यु

सम्झना रसाइली

तनहुँ — तनहुँको ऋषिङ गाउँपालिकामा सोमबार बिहान करेन्ट लागेर एक पुरुषको मृत्यु भएको छ । मृत्यु हुनेमा ऋषिङ-८ का करिब ७२ वर्षीय दलबहादुर राना रहेको प्रहरीले जनाएको छ ।

अजम्बरी सल्लाघारीको जंगलमा दाउरा खोज्न जाने क्रममा बिजुलीको लाइनमा छुन गई करेन्ट लागेर घटनास्थलमै मुत्यु भएको प्रहरी नायव उपरीक्षक युवराज खड्काले बताए ।

घटनास्थललाई सुरक्षित गरी थप अनुसन्धन भइरहेको प्रहरी कार्यालयले जनाएको छ ।

प्रकाशित : माघ १०, २०७८ १२:३६
प्रतिक्रिया
पठाउनुहोस्

आगो निभाउन खोज्दा एक घाइते

अमृता अनमोल

बुटवल — परालको टौवामा लागेको आगो निभाउन खोज्दा बुटवलमा एक जना घाइते भएका छन् ।

बुटवल-१४ बेलभरियामा गएराति प्रेम चालिसेको टौवामा आगलागी भएको थियो । आगो निभाउन खोज्दा २८ वर्षीय नन्दु दंगोरिया घाइते भएका छन् ।

घाइतेको लुम्बिनी प्रादेशिक अस्पतालमा उपचार भइरहेको इलाका प्रहरी कार्यालय बुटवलले जनाएको छ । टौवाबाट बस्तीमा आगो सर्न थालेपछि त्यसलाई निभाउन स्थानीय जुटेका थिए । आगो बुटवल उपमहानगरको दमकलले निभाएको थियो ।

प्रकाशित : माघ १०, २०७८ १२:३२
पूरा पढ्नुहोस्
प्रतिक्रिया
पठाउनुहोस्
×