जिल्ला प्रशासन स्याङ्जामा अत्यावश्यक बाहेकका सेवा बन्द

सहायक प्रमुख जिल्ला अधिकारी हरिप्रसाद शर्माको हस्ताक्षरमा सेवा बन्द गरिएको आइतबार सूचना सार्वजानिक भएको छ । सूचनामा लेखिएको छ, ‘जिल्ला प्रशासन कार्यालयका विभिन्न फाँटमा कार्यरत कर्मचारीमा कोभिड–१९ को संक्रमण पुष्टि भएको छ । अन्य केही कर्मचारीको रिपोर्ट आउन बाँकी छ । साथै, केही कर्मचारीमा कोभिड–१९ सँग मिल्दोजुल्दो लक्षण देखिएकाले सेवा प्रवाहमा कठिनाई भएपछि अर्को सूचना जारी नहुँदासम्मलाई सवै सेवाहरु बन्द गरिएको हो ।’

प्रशासन कार्यालयबाट प्रदान गरिने शान्ति सुरक्षा र अत्यावश्यकबाहेक नागरिकता, राहदानी, राष्ट्रिय परिचयपत्र, संघसंस्था दर्ता/नवीकरण हातहतियार नवीकरणलगायतका सेवाहरु हाललाई स्थगित गरिएको प्रमुख जिल्ला अधिकारी राजु पौडेलले बताए ।