स्याङ्जा एमाले अध्यक्षमा गैह्रे
पोखरा — नेकपा एमाले स्याङ्जाको अध्यक्षमा सूर्यप्रसाद गैह्रे निर्वाचित भएका छन् । आठौं अधिवेशनअन्तर्गत मंगलबार गरिएको मतगणनामा गैह्रे ४ सय ४० मत ल्याई अध्यक्षमा निर्वाचित भएका हुन् । उनका प्रतिस्पर्धी प्रतिनिधिसभा सदस्य नारायणप्रसाद मरासिनीले २५७ मत पाए ।
गैह्रेलाई गण्डकी प्रदेशका पूर्वमुख्यमन्त्री एवं पार्टी उपमहासचिव पृथ्वीसुब्बा गुरुङ र पूर्वमन्त्री पद्मा अर्यालको समर्थन थियो ।
उपाध्यक्षमा कृष्ण खाँण निर्विरोध भएका थिए । यसैगरी सचिवमा राजेन्द्र डुम्रे विजयी भएका छन् भने उपसचिवमा विश्व पौडेल र तारा शर्मा विजयी बने । ७ सय ९ मतदातामध्ये सोमबार भएको मतदानमा ६ सय ९८ जनाले मतदान गरका थिए ।
प्रकाशित : पुस २७, २०७८ २२:३७प्रतिक्रिया
