कान्तिपुर वेबसाईट
AdvertisementAdvertisement

वाम्बुले राईहरुले यसरी मनाए ढ्वाङकूम [फोटोफिचर]

शब्द/तस्बिर : कुम्भराज राई

ओखलढुंगा — वल्लो किरातअन्तर्गत मानेभन्ज्याङ गाउँपालिका ३, उँबु उद्गम थलो रहेका वाम्बुले राई समुदायको महान् चाड ढ्वाङकूम शुक्रबार मनाएका छन् । खासगरी लिब्जु (प्रकृतिका देवता) लाई पूजिने ढ्वाङकूम हजारौं वर्षदेखि मनाउँदै आइएको यस समुदायको ठूलो पर्व हो । सुरुमा २७ घरले एकै ठाउँमा पूजा गरेर सुरु भएको ढ्वाङकूम हिजोआज देशका विभिन्न भागमा रहेका हजारौं वाम्बुले समुदायले दर्जनौं ठाउँमा मनाउँदै आएका छन् ।

तर त्यसको मूल थलोको रुपमा मानेभन्ज्याङ गाउँपालिका ३, उँबुलाई मानिन्छ । थुन्सेमा कागुनीको भात, भैंसीको उसिनेको मासु र कोदोको जाँड प्रत्येक घरबाट पूजाथानमा लगिन्छ । राई बाहेकका समुदायले मकै, काँक्राजस्ता नयाँ अन्न र फल चढाउँछन् । नाक्सो (पुजारी) हरुले त्यस क्षेत्रको समुदायमा रोगव्याधी नहोस्, सुविस्ता होस्, देश परदेश जानेलाई केही नहोस् भनी पुकार्दै ती पूजा सामग्री लिब्जु र अन्य सिमे भूमेलाई चढाउने गर्छन् । ढ्वाङकुम पूजासँगै स्थानीले मादल बाँसुरी बजाएर राम्दले गीत (स्थानीय लोक भाका) गाउँछन् । संगीना नृत्य नाच्ने गर्छन् । निकै प्राचीन मानिने यो परम्परा वाम्बुले राई समुदायमा मात्र सीमित रहँदै आएको छ ।

प्रकाशित : श्रावण २७, २०७९ २२:०८
प्रतिक्रिया
पठाउनुहोस्

नखिपोटमा आइतबारदेखि बास्केटबल

कान्तिपुर संवाददाता

काठमाडौँ — नखिपोट युथ क्लबले प्रथम राष्ट्रिय खुला पुरुष तथा महिला रनिङ कप बास्केटबल प्रतियोगिता गर्ने भएको छ । ललितपुरको नखिपोटमा शुक्रबार पत्रकार सम्मेलन गर्दै क्लबले साउन २९ देखि प्रतियोगिता गर्ने जनाएको हो ।

लिगकम नकआउटका आधारमा हुने प्रतियोगितामा पुरुषतर्फ १२ र महिलातर्फ ८ टोलीको सहभागिता रहनेछ । दुवै विधातर्फका विजताले ५० हजार र उपविजेताले २५ हजार तथा तेस्रो हुनेले १५ हजार पुरस्कार जित्नेछन् । फाइनल खेल भदौ ४ मा हुनेछ । सबै खेल नखिपोट युवा क्लबको कभर्डहलमा हुनेछ ।

ग्रिनफिल्ड बास्केटबल सुरु

नवौं ग्रिनफिल्ड अन्तरस्कुल बास्केटबल प्रतियोगितामा ग्रिनल्यान्डले विजयी सुरुआत गरेको छ । छात्रातर्फ शुक्रबार ग्रिनल्यान्डले आर्यलाई २१–१२ स्कोरले हरायो । अर्को खेलमा रेडियन्टले ग्रिनफिल्डमाथि २६–१६ को जित पायो । ब्वाइजतर्फ ज्ञान निकेतनले कान्तिपुरलाई ३८–२८, पुष्पसदनले बिग बुद्धलाई ३४–१९ र हर्टल्यान्डले ग्रिनफिल्डलाई ४२–३८ ले हराए । प्रतियोगितामा सिनियर ब्वाइजतर्फ २३, जुनियर ब्वाइजतर्फ १२ र गल्र्समा ११ टोलीले भाग लिएका छन् । फाइनल खेल भदौ ३ मा हुनेछ ।

प्रकाशित : श्रावण २७, २०७९ २१:५२
पूरा पढ्नुहोस्
प्रतिक्रिया
पठाउनुहोस्
×