दाहालले देउवालाई भने- ‘तपाईंले वचन तोड्नुभयो’

देउवाले पहिलोपटक प्रधानमन्त्री दिने भन्ने यसअघिको वचन पूरा नगरेको प्रसंग दाहालले उठाएका छन् । चुनावअघि देउवाले पहिलोपटक दाहालाई प्रधानमन्त्री दिने भनेको तर अहिले आएर त्यसबाट पछि हटेको भन्दै आपत्ति जनाए ।

'पहिले वचन दिनुभयो अहिले वचनबाट पछि हट्नुभयो' दाहालले बैठकमा भनेका थिए । देउवाले पहिले कार्यकालमा आफू नै हुने भन्ने अडान नछोडेपछि दाहाल वचन तोडेको भन्दै बालुवाटारबाट बाहिरिएका थिए । उनी बाहिरिएपछि सत्ता गठबन्धनको बैठक पनि सकिएको थियो । 'देउवाजीले छोड्न तयार नभएपछि प्रचण्डजीले त्यसलाई स्वीकार्नु भएन । गठबन्धन रहन्छ भन्ने अब सनिश्चितता रहेन' एक नेताले भने ।

बैठकपछि कांग्रेस नेता ज्ञानेन्द्र कार्कीले पार्टीभित्र आन्तरिक छलफल गर्नुपर्ने अवस्था भएकाले नेताहरुको बैठक रोकिएको बताए । उनले सहमति खोज्नका लागि पुन: बैठक बस्ने जानकारी दिए ।

सम्बन्धित समाचारहरू :

• बालुवाटारमा गठबन्धनको बैठक सकियो, अझै निष्कर्षमा पुगेन
• गठबन्धनको निर्णय पर्खिरहेका छाैं : एमाले उपाध्यक्ष नेम्वाङ
• सत्ता गठबन्धनमा सहमतिको अन्तिम कसरत
• गठबन्धन विघटनको डिलमा