दिलीप हत्या आरोपमा चार पक्राउ

शनिबार लोडर चालकलाई पक्राउ गरीएको हो । यसअघि प्रहरीले चुरीयामाई बालुवा प्रशोधन उद्योगका सञ्चालक विपिन महतोलाई जनकपुरबाट पक्राउ गरिएको थियो । टिपरले किचेर २४ वर्षीय दिलीप महतोको हत्या आरोपमा प्रहरीले घटना लगत्तैसँगै घटनास्थल पुगेका रोशन यादव र टिपर चालक महोतरी बर्दबासका ३४ वर्षीय मुनिन्द्र महतो पक्राउ गरेको थियो ।

दिलीप महतोलाई जानीजानी टिपर प्रयोग गरेर मारिएको देखिन्छः डीआईजी कार्की

पडित परिवारले जिल्ला प्रहरी कार्यालय धनुषामा किटानीसहित जाहेरी दर्ता गराएको छ । जाहेरी दर्ता गराएपछि जनकपुर प्रादेशिक अस्पतालमा मृतक महतोको शव पोष्टमार्टम गरी परिवारलाई बुझाइएको छ । शव बुझ्न जनकपुर आएका परिवारका सदस्यहरुले न्याय मागेका छन् । दोषिमाथि कडा कारवाही नभऐ स्थानियले आन्दोलन गर्ने चेतावनी दिएका छन् । परिवारका सदस्यहरुले घटनास्थलको मुचुल्का नगरेकोमा प्रहरीमाथि शंका व्यक्त गरेका छन् ।

खेत र गाउँ बचाउन चाहन्थे दिलीप

मृतक दिलीपका बुबा रामजीवन महतोले प्रहरीले घटनास्थलबाट मुचुल्का समेत नउठाएर हतारमा शव ल्याएकोमा शंका व्यक्त गरेका हुन् । चुरियामाई बालुवा प्रशोधन उद्योगका सञ्चलकसँग मिलेर घटना कमजोर बनाउन खोजेको आरोप उनले लगाएका छन् ।