भत्काइएका अनधिकृत संरचनाको थुप्रो अझै हटाइएन

सडकमै ती संरचना हुँदा सर्वसाधरण र पैदलयात्रीलाई सास्ती हुँदै आएको छ । महानगरपालिकाका नगर प्रहरी प्रमुख राजुनाथ पाण्डेले बिहीबारदेखि ती संरचना हटाउने बताए पनि हटाइएको छैन ।

नगर प्रहरीको टोली बिहीबार पशुपति क्षेत्र, वीरा कम्प्लेक्स क्षेत्रमा रहेका अनधिकृत संरचना हटाउन केन्द्रित भएपछि नभ्याइएको पाण्डेले प्रतिक्रिया दिए ।

'हामीले आजदेखि ती संरचना हटाउने भनेका थियौं; इन्द्र जात्राको पनि तयारी गर्नुपर्ने भएकाले भ्याइएन,' पाण्डेले कान्तिपुरसित भने ।

बिहीबार नगर प्रहरीको टोलीले त्यसै छाडिएका संरचनाहरूको अभिलेख गरेर फर्किएको थियो । आइतबारदेखि ती संरचना हटाइने उनले दाबी गरे ।