कविता : छाडेर जानेसँग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रातको अनिँदो छटपटीसँगै
अनायास तिमीलाई सम्झें
![](https://assets-cdn.ekantipur.com/uploads/source/ads/900x100-0762024075620.gif)
![कविता : छाडेर जानेसँग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/yaadama-2552024041414-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अलिअलि थकान, अलिकति मुस्कान
उस्तै अडान, उस्तै यौवन ।
थाहा छैन जानेहरु किन बिर्सन्छन् बाटो ?
पर्खनेहरु किन कुरिरहन्छन् दोबाटो ?
अनि मचाहिँ पर्खिरहेको छु कि भागिरहेको छु ?
मेरो मानसपटलमा किन आउँछन्
आशा र निराशा एकै पटक ?
प्रेम र घृणा सँगसँगै किन बेचैन बनाउँछन् ?
रित्तो मौनतासँगै आउने बेमौसमी खुसीहरु
किन जागृत हुन्छन् अव्यक्त रहर ?
किन ब्युँझिन्छन् मुर्छित सपना समय फेरिए पनि
मन परेको मान्छेप्रतिको मन फेरिँदो रहेनछ ।
हामीलाई थाहा भएकै हो कुनै कथा अधुरा हुन्छन्
कुनै सम्बन्ध अपूरा, त्यो पनि थाहा भएकै हो
सम्बन्ध टाढिए पनि सम्झनामा आइरहनेहरु सधैं प्यारा भइरहन्छन् ।
एकपल्ट आफैं सम्झ त
जानेबेला तिमीले भनेकी थियौ
बिहानीको व्यग्र प्रतीक्षासँगै
एक्कासि सम्झे मैले
तिमीले भनेकी थियौ– मलाई खुल्ला क्षितिजमा रमाउन देऊ
आफ्नै संसारमा हराउन देऊ ।
त्यतिबेला मैले कुनै रोकटोक गरिनँ
कुनै प्रश्न सोधिनँ
धेरै समयपछि सााच्चै सोध्दै छु म–
मेरो प्यारो मान्छे,
मायाभन्दा फराकिलो क्षितिज कहाा छ ?
मेरो सम्झनामा आइरहने मान्छे,
समर्पणभन्दा ठूलो संसार कहाा छ ?
प्रकाशित : जेष्ठ १२, २०८१ ०७:५९