स्विजरल्यान्डलाई ६-१ ले हराउँदै पोर्चुगल क्वार्टरफाइनलमा

पोर्चुगलका लागि गोन्सालो रामोसले ह्याट्रिक गरे । उनले खेलको १७औँ, ५१औँ र ६७औँ मिनेटमा गोल गरे । २१ वर्षीय रामोसलाई सुरुवाति ११ मा राख्दै स्टार खेलाडी क्रिस्टियानो रोनाल्डोलाई बेन्चमा राखिएको थियो । रोनाल्डोलाई ७४औं मिनेटमा मैदान प्रवेश गराइएको थियो ।

त्यसैगरी खेलको ३३औँ मिनेटमा पेपे, ५५औँ मिनेटमा राफायल गुरेरियो र राफायल लियोले खेलको अतिरिक्त समयमा गोल गरेका थिए ।

स्विजरल्यान्डका लागि ५८औँ मिनेटमा म्यानुअल अकाञ्जीले एक मात्रै गोल फर्काएका थिए । अन्तिम आठमा पुगेको पोर्चुगलले मोरक्कोसँग प्रतिस्पर्धा गर्नेछ । मोरक्को प्रिक्वार्टरफाइनलमा टाइब्रेकरमा स्पेनलाई हराउँदै क्वार्टरफाइनलमा प्रवेश गरेको हो ।