फ्रान्सेली राष्ट्रपति कतारको समर्थनमा
बैंकक — फ्रान्सका राष्ट्रपति इमानुयल म्याक्रोनले कतारको विश्वकप आयोजनालाई लिएर खेलकुदमा राजनीति गर्नु खराब विचार भएको बताएका छन् । रुसमा २०१८ मा जितेको उपाधि रक्षा गर्ने अभियानमा फ्रान्स रहेको अवस्थामा म्याक्रोनले भने, ‘मलाई लाग्छ हामीले खेलकुदमा कहिल्यै राजनीति गर्नु हुँदैन ।’
कतार विश्वकप आइतबार सुरु हुँदै छ । तर मानवअधिकार हनन, विदेशी कामदारमाथिको दुर्व्यवहारसहित विषयका कारण कतारले ठूलो आलोचना खेप्दै आएको छ । ‘यी विषयहरू विश्वकप आयोजना गर्न दिँदै गरिनुपर्थ्यो,’ एसिया प्यासिफिक इकोनोमिक कर्पोरेसन शिखर सम्मेलनमा सहभागी उनले बैंककमा पत्रकारमाझ भने । फ्रान्सका कप्तान हुगो लोरिसले युरोपका अन्य कप्तानहरूले जस्तै आफू भेदभाव विरोधी आर्मब्याड लगाएर प्रतियोगितामा नउत्रने जनाइसकेका छन् । उनी कतारलाई सम्मान देखाउन चाहन्छन् । कतारमा समलैंगिकता अवैध मानिन्छ । फ्रान्स सेमिफाइनल पुगेमा कतार जाने म्याक्रोनले बताए । फ्रान्सले २०२४ को ओलम्पिक आयोजना गर्दै छ ।
पेरिस र फ्रान्सका अन्य सहरमा विश्वकपका खेलहरू ठूला स्क्रिनमा नदेखाइने भएको छ । अन्य बेलामा फ्रान्समा प्रमुख प्रतियोगिताहरू सहरका विभिन्न भागमा देखाइने गरेको थियो ।
प्रकाशित : मंसिर २, २०७९ ०७:३०
