१६.१२°C काठमाडौं
काठमाडौंमा वायुको गुणस्तर: १६१

रामेछाप १ (२) प्रदेशसभा सदस्यमा माओवादीका चौलागाईं विजयी

टीका भट्ट

रामेछाप — रामेछाप प्रतिनिधिसभा निर्वाचन क्षेत्र नम्बर १ (२) बाट वाग्मती प्रदेशसभा सदस्यमा माओवादी केन्द्रका पोलिटब्युरो सदस्य युवराज चौलागाईं निर्वाचित भएका छन् । चौलागाईंले एमालेका मिलनकुमार घिसिङलाई ४ हजार ७ सय ७४ को मतान्तरले पराजित गरेका हुन् ।

रामेछाप १ (२) प्रदेशसभा सदस्यमा माओवादीका चौलागाईं विजयी

मुख्य निर्वाचन कार्यालय, रामेछापका अनुसार आइतबार बिहान सम्पन्न मतगणनामा चौलागाईंले २२ हजार ९ सय ७९ मत प्राप्त गरेका थिए । उनका प्रतिस्पर्धी घिसिङले १८ हजार २ सय ५ मत पाएका थिए । चौलागाईं सत्ता गठबन्धनका तर्फबाट वाग्मती प्रदेशसभामा उम्मेदवार हुन् ।

माओवादी केन्द्रका पोलिटब्युरो सदस्य चौलागाईं विदेश विभाग प्रमुखसमेत हुन् । पश्चिमी रामेछापको गुन्सी निवासी चौलागाईं माओवादी सशस्त्र आन्दोलनदेखि पार्टीमा क्रियाशील छन् । यसअघि उनी कुनै पनि तहको जनप्रतिनिधिका लागि उम्मेदवार भएका थिएनन् । पहिलो प्रयासमा प्रदेशसभा सदस्य भएका चौलागाईंले नागरिकका समस्या समाधानका लागि योजनाबद्ध तवरले काम गर्ने र रामेछापका जनतालाई सहज सेवा-सुविधा प्रवाह गर्ने योजना रहेको बताएका छन् ।

चौलागाईंको जितेसँगै रामेछापको मतगणना पनि सकिएको छ । यसअघी प्रतिनिधिसभा सदस्यमा पाँच दलीय गठबन्धनबाट उम्मेदवार बनेका कांग्रेसका पूर्णबहादुर तामाङ (कान्छाराम) र वाग्मती प्रदेशसभा १ (१) मा माओवादी केन्द्रका तारानारायण श्रेष्ठ विजयी भएका थिए ।

प्रकाशित : मंसिर ११, २०७९ ०९:०८
प्रतिक्रिया
पठाउनुहोस्
जनताको राय

नेपालको पासपोर्ट फेरि पनि विश्व वरीयतामा १०३ औं स्थानमा परेर खराब सूचिमै दर्ज भयो । स्तर उकास्न मुख्य रुपमा के गर्नुपर्छ ?